蓮舫

蓮舫（1967年11月28號—，爸爸姓謝，阿媽姓齊藤，前夫姓村田）係臺灣裔日本政治人，而家係參議院議員、同埋立憲民主黨參議院國會對策委員長。佢曾經係日本民進黨第2任代表（黨魁）、民進黨內派閥花齊會（源於松下政經塾）成員、同埋日本參議院「新綠風會」一員。佢喺2010至2012年間係日本內閣成員，其間做過行政革新特命擔當內閣府特命擔當大臣同埋食品安全暨消費者事務擔當內閣府特命擔當大臣。2016年，佢被選為日本民進黨代表，係日本史上第一個女性同埋第一個擁有多國血統者擔任主要政黨嘅黨魁 。