蓮花山 (廣州)

蓮花山係中國廣東省廣州市番禺區入面嘅其中一個景區，喺獅子洋西邊，靠近珠江嘅出海口。佢重係廣州市南邊嘅旅遊休閒度假區嘅中心同埋山水城市嘅門戶地區。喺羊城八景入面有住「蓮峯觀海」呢個名。

蓮花山

數據

景區佔地面積係2.33平方公里，最高峰係有108米噉高。距離廣州市區有30公里，距離香港有60海裡。

個名點嚟？

其實蓮花山呢個名係流傳咗一個咁嘅神話古仔喇。就係話喺好耐好耐之前，南海嗰邊有條好衰嘅龍就響珠江口嗰尐玩嘢，成日都嚟浸嗮啲田同埋撳返啲船嘅，搞到唔理啲靠船出去食飯定係河邊、海邊嘅居民都話佢簡直係頂唔順啊。後嚟有個南海嘅觀音雲菩薩啱好行過呢度，結果就咁啱得咁橋見到條龍響度玩嘢。結果就激到眼火爆，一嘢就將佢坐緊嘅蓮花丼咗響水入面嚟捉咗條龍。後嚟呢隻蓮花就變咗舊石頭就停咗響山上面，結果就搞咗依家嘅蓮花山南天門附近嘅蓮花石喇。就係噉，「蓮花山」嘅名先至係噉嚟。

公園簡介

蓮花山係廣東省入面嘅重點風景名勝地區，佢重係中國內地好少見到嘅「人工丹霞」奇跡。

石獅頭

喺蓮花山嘅東邊重有個嗌「石獅頭」，因為以前係古代嘅石礦場，因為整咗石頭落咗嚟之後留低嘅石好似個出水芙蓉噉嘅樣而改成噉嘅名。西漢時期，因嗰時冇環保意識，所以先民成日喺呢度大規模噉整石料出嚟而搞成咗棟懸崖峭壁、奇巖異洞嘅景。好似蓮花石、燕子岩、八仙岩、蓮花岩、觀音岩、飛鷹岩、南天門、神仙橋等呢啲噉嘅景喇。佢重係古代人民用錘同纖搞咗出嚟嘅，又過咗2000幾年嘅自然風化先至變咗一棟大嘅石雕古跡。如估入咗去呢個石場入面，就好似行進咗歷史咁，個耳畔成日都嗡嗡聲嘅（因為係鑿石嗰陣嘅㩩呤䆲唥噉嘅聲），好似又見到啲先民又嚟搞施工噉嘅樣。佢重係中國內地最罕見同埋保存得最完美最好嘅古採石場遺址。佢同湖北嗰邊嘅大冶古銅礦遺址一齊話成係中國內地嘅兩個大嘅古礦場。

石礪岡

正所謂「山不在高，有仙則靈」。而蓮花山就係由觀音菩薩嘅蓮台整成嘅山仔，真係幾犀利下。佢嘅奇、特、異、秀、靈呢5樣嘢咋，就吸引咗出面好多人過嚟呢度睇景喇。而蓮花山嘅紅砂岩就比較出名喇，因為佢嘅石頭質量比較好，加上佢嘅密度好高同砂質又比較細嘅關係，所以古代啲人用佢嚟做磨刀石咯。

攞過嘅獎

呢間嘢喺1996年嗰陣，就攞咗廣州旅遊十大靚景嘅其中一個名——「蓮花勝境」，佢重係中國內地好少見到嘅「人工丹霞」奇跡。佢重喺2001年被國務院畀咗係第五批嘅全國重點文物保護單位。蓮花山上面重有棟起喺明朝萬曆（1612年）年間嘅蓮花塔同埋始起喺清朝康熙（1664年）年間嘅蓮花城呢啲古代建築，都被列入咗廣東省級嘅文物保護單位。而「蓮峯觀海」響2002年嗰陣，重被廣州市政府整咗入去新世紀嘅羊城八景入面。

景區

觀音巖

觀音巖喺以前嗰陣，係舊陣時嘅採石場附近留低落嚟嘅石室，而喺蓮花山嗰邊，好似觀音岩噉嘅石室都重有好多下。原嚟，觀音岩以前係尼姑庵呢隻嘢，佢係畀咗觀音菩薩響堂入面整高隻頭嚟睇下，重可以喺石頭牆上面見到啲有寫住「雍正七年」呢四個字嘅，不過到依家為止，重未搵到呢四個字係點嚟嘅。

飛鷹巖

如估行入去入邊嘅飛鷹隧道到咗飛鷹崖嘅話。你會睇到飛鷹崖上面嘅景觀同埋燕子岩係啱啱好180°調轉咗嘅景，如估喺崖嘅上面向住欄杆下面睇攞佢嘅話，就見到係阡陌縱橫，良田萬頃，珠江向東流，成笪南國嘅風光都睇嗮。如估返轉頭睇下就見到幾隻一柱擎天嘅石柱同埋石筍，重有石屏風都響度。而呢啲嘢嘅形成就係2000幾年嚟，以前嘅先民成日唔停咁鑿啲山嚟攞石仔搞出嚟嘅嘢。

蓮花塔

内文：蓮花塔

蓮花塔就係喺蓮花山嘅主峰最上面，呢座塔係喺明朝嘅萬曆四十年（1612年）起嘅，到依家已經有差唔多400年嘅歷史，佢重係個廣東省級嘅文物保護單位。而蓮花塔出面有9層樓，入面有11層樓，出面好似個八邊形噉，佢係棟磚木結構嘅樓，入面重有棟螺旋嘅樓梯可以去到塔頂都得。就喺塔入面，每層樓嘥士都唔同、門嘅樣係五花八門。其中呢座塔係蓮花山上面最高嘅地方（148.96m）。佢喺古代嗰陣到依家，喺伶汀洋入去珠江嗰啲船就係成日攞蓮花塔嚟入去廣州嘅導航標記喇。呢笪地有「省會華表」嘅稱呼。

節日活動

喺蓮花山入面有兩個主要同花有關嘅節慶活動係出咗名嘅，就係蓮花節同埋桃花節喇。蓮花山喺每年嘅6月到8月份，喺觀音聖境入面都辦咗規模比较大嘅蓮花節。喺嗰陣時有裝住4000幾盤同埋百幾個唔同品種嘅蓮花，重將成整個觀音聖境都搞到好靚。喺佢展覽出嚟嘅品種入面，重有喺全國各地嚴格揀過出嚟嘅極品，佢重係好難見到嘅蓮花盛會添。每年一到咗春節嗰陣，蓮花山嘅觀音聖境同埋蓮花塔下面嘅桃花源澗入面，重見到好多樖桃花樹嚟開花都有。

注意事項

1. 景區唔畀帶或騎1～3隻轆啲車入場（唔理係唔係機動品種）
2. 唔畀飛無人機上天
3. 未經批准，唔畀搞任何形式嘅商業拍攝。
4. 景區唔畀任何寵物入場
5. 任何時段都唔畀搞露營或搭帳篷
6. 景區唔畀玩輪滑或放紙鷂
7. 山上唔畀拉橫額或整吊床
8. 景區除水上樂園同酒店啲泳池之外，其它屬下水體範圍都唔畀游水。
9. 從2017年11月1號開始，唔畀帶任何香、燭、元寶等拜祭品入場。若果早前帶咗入場嘅，必須要自覺帶走或交到景區指定位置統一處理。
10. 除番禺粵海村度假酒店之外，其它景區雖然喺17:00～第二日07:00都唔會趕人走，但有部份基礎設施都唔開門。
11. 蓮花塔同素食堂、粵海村度假酒店入面啲費用同門飛唔互通，若果要入場嘅必須要另外畀錢。

交通

巴士

蓮花山車站總站、蓮花山港站、蓮花山港總站

輪渡

• 蓮花山港

地鐵

• 廣州地鐵4號線：石碁站

飛同開放時間

開放時間

• 每日07:00～17:00。
• 雖然17:00之後重可以喺山上逗留參觀，但太陽落山之後，有部份景區會閂檔。
• 凡係大雨或暴雨、雷暴、刮颱風、龍捲風等惡劣天氣時會睇天氣而決定暫停開放或部分開放。

  掛咗暴雨警報信號或藍、黃、橙、紅色颱風警報信號其一，景區會暫停開放。

門票

• 成人票每位￥54。
• 6＜歲數≤18（要有個人身份證）／全日制大學本科或以下學歷啲人（要有喺教育限期內帶學校公章嘅學生證，成人教育唔算）：半票
• 身高＜1.2m嘅細路：免費
• 60≤歲數≤64嘅老坑／1.2m≤身高＜1.5m嘅細路：半票
• 殘疾人體育分級屬A1、A3、A9、B1、B2、CP1等重度殘疾嗰啲傷殘人士：半票（必須要有位陪護人員陪同）
• 現役軍人／軍隊離退休幹部／殘疾人及俾中華人民共和國民政部門確定咗嘅低保救助對象、五保戶：免費
• 年紀＜6（要有個人身份證）／身高＜1.2m（要有位買咗入場飛嘅成年人陪同）：免費
• 年紀≥65：免費
• 單位團體（要有抌咗公章嘅單位證明）：每人九折（人數＞30）；每人八折（人數＞100）
• 旅行社團體：按景區簽訂咗合同嘅價錢嚟收

凡係有機動車啲遊客入場時，車費另外計：

• 大貨車或超過20座嘅大巴入場：￥35／次。
• 細車：￥20／次。
• 五類車同單車：唔畀入場。

連出去

• 番禺蓮花山旅遊度假區