蔣浩鈴（Abby Chong，1993年8月6號—）係香港時裝模特兒，18歲入行，屬M Square模特兒公司，做名模Cara G.師妹[1]。
蔣浩鈴喺18歲行街嗰陣畀模特兒公司睇中，因為發現個職員係家姐朋友，所以就去面試簽約，到2015年中正式做全職模特兒。之後佢畀公司安排到意大利米蘭生活兩個月同試鏡，結果成功攞到米蘭同杜拜時裝周行騷嘅機會[2]。
蔣浩鈴喺2017年亦幫viuTV做節目《小城光影》其中一位主持。
