開主選單

蕭孋珠[1],本名蕭麗珠1955年—),台灣嘉義市人,台灣前女歌手綜藝節目主持人,有「蕃茄姑娘」、「阿珠」等稱號。

蕭孋珠
藝人或藝術家
原名 蕭麗珠
花名 蕃茄姑娘、阿珠
國籍  中華民國
籍貫 台灣嘉義市
出世 1955年
職業 歌手綜藝節目主持人
語言 國語台語
教育程度 中國文化學院音樂專修科國樂
配偶 孫源德
出道作品 國語歌曲《真情》(林煌坤作詞,和田香苗作曲)
活躍年代 1970年代-1990年10月
唱片公司 歌林公司音樂出版部巨星唱片

提要

蕭孋珠嘅爸爸鍾意國樂,夜晚得閒會拉胡琴自娛,蕭孋珠因此亦都鍾意國樂。蕭孋珠國小五年級時加入該校國樂團,學嘅係揚琴,曾經代表嘉義市參加台灣省全省國樂比賽獲得冠軍。蕭孋珠國中畢業後,全家搬到台北市,佢考入中國文化學院音樂專修科國樂組,主修聲樂,副修揚琴。某年暑假,佢參加歌林唱片舉辦嘅「歌林之星」歌唱比賽,以高亢圓潤嘅嗓音連過六關,最後以閩南語歌曲《送君珠淚滴》同黃梅調歌曲《郊道》獲得冠軍,獲得獎金新台幣三萬元同一部歌林公司彩色電視機,而且同歌林唱片簽下兩年唱片合約[2],當時佢18歲[3]。1974年,佢休學進入歌壇[4],由於歌林唱片同日本哥倫比亞有長期合作關係,佢得以迅速走到日本發行第一張日文單曲唱片《潮路》(三浦康照作詞,和田香苗作曲),係佢踏入日本唱片市場嘅第一首歌曲;並發行中文版《真情》(林煌坤作詞)。

蕭孋珠嘅嗓音比當時台灣其他女歌手豪邁,佢成為咗唱愛國歌曲武俠連續劇主題曲嘅熱門人選。佢原唱嘅愛國歌曲有《風雨生信心》(黃敏作詞,駱明道作曲)[5]等,佢原唱嘅武俠連續劇主題曲有《萬古流芳》(莊奴作詞,林家慶作曲)[6]、《飛燕驚龍》(晨曦作詞,呂子厚作曲)[7]、《大漢兒女》[8]等。1979年3月5號,中視開始喺每日開播時固定播放佢原唱嘅歌曲《美好的今天》(劉家昌作詞作曲)[9],稱為「開播曲」。

蕭孋珠以唱國語歌曲為主。1980年代後半期,佢亦兼唱閩南語歌曲,喺歌林唱片發行兩張閩南語唱片《閩南情》同《盛情女子》。佢離開歌林唱片之後,跳槽巨星唱片,發行國語專輯《流星戀曲》、國語專輯《得不到的愛情》、閩南語專輯《黃昏的海岸》等,成為佢歌唱事業最後作品。[10]

1984年3月18號,蕭孋珠獲頒第19屆金鐘獎女歌唱演員獎。1990年10月,佢同交往12年嘅孫源德新加坡結婚,從此定居新加坡,退出演藝圈。

蕭孋珠退出演藝圈後,有啲歌曲被後起嘅歌手置入或翻唱;前者如《真情》被置入彭佳慧《聽到你一聲再會》(李姚作詞,李偉菘作曲),後者如《迎著風的女孩》(翻唱自Izhar CohenAlphabeta合唱嘅《A-Ba-Ni-Bi》,陳雲山中文詞,Nurit Hirsch作曲)被庾澄慶翻唱並改名為《愛你的只有一個我》[11]

作品

唱片

  • 《真情》:國語唱片,歌林公司音樂出版部1974年發行
  • 《海鷗之歌》:國語唱片,台灣電影《小妹》原聲帶,歌林公司音響出版部1975年發行
  • 《一簾幽夢》:國語唱片,台灣電影《一簾幽夢》原聲帶,歌林公司音響出版部1974年發行
  • 《心花朵朵》:國語唱片,台灣電影《愛的呢喃》原聲帶,歌林公司音響出版部1975年發行
  • 《小女兒的心願》:國語唱片,台灣電影《小女兒的心願》原聲帶,歌林公司音響出版部1975年發行
  • 《楓紅層層》:國語唱片,歌林公司音響出版部1975年發行
  • 《金色的影子》:國語唱片,台灣電影《金色的影子》原聲帶,歌林公司音響出版部1976年發行
  • 《訴情》:國語唱片,歌林公司音響出版部1976年發行
  • 《愛的眼睛》:國語唱片,歌林公司音響出版部1976年發行
  • 《就從今夜起》:國語唱片,台灣電影《就從今夜起》原聲帶,歌林公司音響出版部1976年發行
  • 《蝴蝶谷》:國語唱片,歌林公司音響出版部1976年發行
  • 《你我再相逢》:國語唱片,歌林公司音樂出版部1977年發行
  • 《青色山脈》:國語唱片,台灣電影《青色山脈》原聲帶,歌林公司音樂出版部1977年發行
  • 《愛在我心》:國語唱片,歌林公司音樂出版部1977年發行
  • 《小小世界妙妙妙》:國語唱片,台灣電影《小小世界妙妙妙》原聲帶,歌林公司音樂出版部1978年發行
  • 《處處聞啼鳥》:國語唱片,歌林公司音樂出版部1978年發行
  • 《踩在夕陽裏》:國語唱片,歌林公司音樂出版部1978年10月發行
  • 《雙飛燕》:國語唱片,歌林公司音樂出版部1979年2月發行
  • 《忘憂草》:國語唱片,歌林公司音樂出版部1979年發行
  • 《流水落花春去》:國語唱片,歌林公司音樂出版部1979年發行
  • 《彩霞滿天》:國語唱片,歌林公司音樂出版部1979年發行
  • 《迎著風的女孩》:國語唱片,歌林公司音樂出版部1980年發行
  • 《媽媽的背影》:國語唱片,歌林公司音樂出版部1980年發行
  • 《中國民謠第一集》:國語唱片,歌林公司音樂出版部1981年發行
  • 《勿忘我》:國語唱片,歌林公司音樂出版部1982年發行
  • 《不可抗拒的愛》:國語唱片,歌林公司音樂出版部1983年發行
  • 《蕭孋珠十年暢銷集錦》:國語唱片,歌林公司音樂出版部1984年發行
  • 《無望的愛》:國語唱片,歌林公司音樂出版部1985年發行
  • 《千萬種聲音》:國語唱片,歌林公司音樂出版部1985年發行[12]
  • 《王昭君 - 黃梅調與小調》:國語唱片,新加坡白雲唱片1985年發行
  • 《心雨 絕代雙雄》:國語唱片,新加坡白雲唱片1986年發行
  • 《中國老歌精粹》:國語唱片,新加坡白雲唱片1988年發行
  • 《閩南情》:閩南語唱片,歌林公司音樂出版部1988年發行
  • 《盛情女子》:閩南語唱片,歌林公司音樂出版部1990年發行
  • 《流星戀曲》:國語唱片,巨星唱片1983年12月發行
  • 《得不到的愛情》:國語唱片,巨星唱片1984年4月發行
  • 《黃昏的海岸》:閩南語唱片,巨星唱片1985年發行
  • 《潮路》(潮路):日語唱片,日本哥倫比亞1974年6月發行
  • 《再見了初戀》(さよなら初恋):日語唱片,日本哥倫比亞1974年12月發行

主持

  • 中視《萬紫千紅》(第一代主持人為李慧慧
  • 中視《大舞台》(第一代主持人為李靜美徐風
  • 中視《夜之頌》
  • 中視《蕭孋珠專輯》(蕭孋珠1983年電視專輯,完全室內取景;首播時間:1983年底)[13]
  • 中視《鳥語茶香:蕭孋珠專輯》(蕭孋珠1985年電視專輯,完全室外取景;首播時間:1985年12月15號22:10~23:10)
  • 中視《蕭孋珠專輯》(純歌唱節目《銀河星座》中嘅蕭孋珠1985年電視專輯,完全室內取景;錄影時間:1985年11月10日[14];首播時間:1985年)

註同埋及參考

  1. 「孋」音同「梨」。
  2. 張夢瑞 文,〈番茄姑娘──蕭孋珠〉,《光華雜誌》2003年4月號第48頁。
  3. 蕭孋珠曾經喺中視《銀河星座》嘅《蕭孋珠專輯》中提到:「從小學開始,喺學校嘅課程當中,我最偏愛嘅就係歌唱。冇諗到,喺我18歲嗰一年,歌唱竟然成為我嘅職業;轉眼之間,都已經12年啦。」
  4. 〈蕭孋珠—不像明星的明星〉,《中國電視周刊》第408期(1977年8月15號出版)第53頁。
  5. 華視主播、三台聯播國語連續劇《風雨生信心》主題曲。
  6. 中視國語武俠連續劇《萬古流芳》主題曲。
  7. 中視國語武俠連續劇《飛燕驚龍》主題曲。
  8. 中視國語武俠連續劇《大將軍與小鳳仙》主題曲。
  9. 本報訊,〈華視今開始專家分析氣象 中視今開始播出「開播歌」〉,《民生報》1979年3月5號第9版。
  10. 何啟弘〈愛笑的蕃茄姑娘-蕭孋珠〉[失咗效嘅鏈]KKBOX《達人聽音樂》,2006年5月9號。
  11. 庾澄慶國語老歌新唱專輯《Lady's night》嘅第一首歌。
  12. 呢隻專輯主打歌〈千萬個聲音〉嘅作詞者陳國鍊(筆名陳果 互聯網檔案館歸檔,歸檔日期2016年3月7號,.),同香港導演陳果並非同一人。
  13. 李亞,〈中視南港棚落成啟用〉,《掃描線雜誌》第23期(1984年2月號)第10頁。
  14. 本報訊,〈看銀河 換星座 蕭孋珠進棚錄影〉,《民生報》1985年11月11號第11版。

連出去