蕭崗站

  江夏站喺2號綫規劃時期嗌過陳田村站。

蕭崗站（粵拼：siu1 gong1 zaam6；英文：Xiao-gang Station），規劃嗌過江夏站（gong1 haa6*2 zaam6），係廣州地鐵2號綫嘅車站，2010年9月25號開放，位置喺白雲區白雲新城，黃石東路南邊；雲城西路東邊；雲城東路西邊；隔籬有條蕭崗涌響度。

蕭崗 Xiao-gang
蕭崗站嘅站名
概覽
車站代碼	221
位置	白雲區嘅白雲新城入面，黃石東路嘅南邊；雲城西路嘅東邊；蕭崗涌附近。
座標	23°12′6.8″N 113°16′29.6″E
車站色
經過路線	2
啟站	2010年9月25號
月台數	2
站口數	3
營運資訊
車站服務時間	06:02-00:18
列車服務時間	06:07-00:13
廣州地鐵2號綫 廣州南站　◄白雲文化廣場站 江夏站►　嘉禾望崗站

結構

樓層

打掂

地下 一樓	站廳	售票機、客服中心、地鐵警務室
地下 二樓
	側式月台，開右邊門
	1月台	←2號綫列車去江夏站（行嘉禾望崗嗰邊）
	圍墻
	3月台	2號綫臨時月台（平時唔對外）
	島式月台，開左/右邊門
	2月台	2號綫列車去白雲文化廣場站（行廣州南站嗰邊）→

打橫

蕭崗站嘅站廳

蕭崗站嘅站台（行嘉禾望崗嗰邊）

柱上啲字

站廳

呢個站同2號綫三元里站以北啲站點都唔一樣（除咗嘉禾望崗站），因為站廳同月台都喺唔同一層樓，所以冇分到兩個站廳嘅車站。而收費區喺站廳嘅南邊同東北邊嘅位，四周圍俾人行通道同車站嘅商舖圍住嗮，而收費區入面有好多座扶手電梯同專用𨋢往返月台嗰邊。

站廳全景（喺2015年3月18號影）

月台

呢個站有一個島式月台同一個側式月台，喺舊白雲機場中軸線嘅地底。

蕭崗站嘅月台全景
（呢啲月台全景講嘅都喺同一層樓。）

註：呢兩張相都喺2015年2月13號影。其中上面嗰張係備用月台，下面嗰張係行嘉禾望崗嗰邊。

月台嘅設計比較特別。其中去嘉禾望崗站嗰邊嘅月台係冇柱；而去廣州南站嗰邊就有柱。而呢個站去廣州南站嗰邊嘅列車同三元里以北嘅站點開門方向都唔一樣，佢開嘅係左邊門。但係去廣州南站嗰邊嘅月台，其中東邊嘅車站標記牌係乜都冇寫嘅。

商舖同自助服務

呢個站入面得好少商舖響度嘅同時，甚至凈係得一部自動販賣機嘅自助服務。而商舖方面，有麵包檔同便利舖響度，不過凈係得B出入口附近有1間，而凈低嗰啲都喺D1出入口附近。

商舖 7-Eleven 美心西餅 日閱堂

出入口

蕭崗站冚唪唥嘅出入口
A出入口（晚黑嗰時） A出入口（晚黑嗰時）  B出入口（天光無耐） B出入口（天光無耐）  C出入口（影嗰時未開通） C出入口（影嗰時未開通）

呢個站一共有3個出入口，分別係A、B、C。

編號	標記	去到邊度
出入口A	雲城東路	雲城東路、雲城北二路、白雲大道南、白雲國際會議中心、雲城西路（地鐵蕭崗）巴士站
出入口B	雲城西路	雲城西路、黃石東路、雲城西路（地鐵蕭崗）巴士站
出入口C	雲城北二路	雲城北二路
註： 有盲人引導徑 | 有輪椅升降台

頭尾班車信息同配線圖

配線圖
█ 2號綫 ▲江夏站
▼白雲文化廣場站

行車方向	頭班車	尾班車
每日
2號綫
廣州南站	06:07	23:21
嘉禾望崗站	06:18	00:13
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

喺1988年嘅「十字綫網」規劃入面，雖然話出現咗2號綫嘅樣，但嗰時係嗌「江夏站」，佢規劃話係2號綫北邊嘅總站，車站嘅位就喺而家江夏牌坊嗰度。不過到咗1997年嘅《廣州市城市快速軌道交通線網規劃研究（最終報告）》入面將規劃緊嘅2號綫延長咗，去到新國際機場嗰頭，路線就稍微冇乜點變，而呢個站就變成中途站。但係到咗2002年，2號綫就改咗行舊嘅白雲機場（而家係白雲新城）入面，同時呢個站嘅站位就移咗入去白雲新城，就喺而家雲城東路嘅涌邊嗰頭整咗個站，重改咗名嗌「蕭崗站」。嗰時要等白雲機場搬走咗先至可以起。

工程

内文：白雲新城同廣州白雲國際機場 (1933—2004)

由於舊嘅白雲機場喺2004年就搬走咗，而白雲新城就喺2007年先至搞掂嗮。而2號綫嘅北延段經過政府批准，終於喺2008年正式開始逳手起，呢個站喺2010年2月份封頂。

英文站名

蕭崗站嘅中英文站名

睇埋：中華人民共和國國家通用語言文字法同施氏食獅史

因為以前嘅廣州地鐵2號線嘅曉港站（依家係8號線嘅車站）嘅英文都係一樣嘅，因為按照1977年用嘅中華人民共和國國家通用語言文字法入面講到，話喺中國大陸境內嘅畀出讀音方面，係唔可以用除咗普通話之外嘅拼音。結果搞出咗兩個站都係叫「Xiaogang Station」，為咗區分清楚邊個係「蕭崗站」、邊個係「曉港站」，先至將英文名定爲「Xiao-gang Station」。

開通

舊時嘅D1出入口。2號綫北延段開通後無耐又閂返。直到2016年4月11號又重新開放。

内文：廣州地鐵2號綫

喺2010年9月25號，呢個站喺舊嘅2號綫一分為二之後，就開咗呢個站。而家佢係地鐵2號綫嘅中途站。

出入口

車站開通初期凈得A、B兩個出入口，後來又開埋D1出入口，但無耐又閂返，因為呢個出入口四圍都係雜草重生地方，加上附近又搞緊施工，搞到冇乜人出入，雖然嗰時嘅出入口指引話去到白雲國際會議中心，但係白雲文化廣場站嗰度去重近。直到2016年4月11號，D1出入口改名做C出入口而開通，但隔籬個樓盤而家重喺度執緊手尾，加上離大路又幾遠下，所以而家基本係拍烏蠅。

利用狀況

由於舊嘅白雲機場喺2004年搬走咗之後，2007年新開始搞嘅白雲新城，其中北邊大部分嘅地皮都重未搞到有效嘅開發，而呢個站（包括埋3個出入口，即使係未開通嘅D出入口都係）附近都係啲荒地。而車站東北邊1500米就係廣東外語外貿大學同埋白雲山風景區西門，西邊幾百米就係黃石路嗰帶嘅住宅區同城中村。北邊就喺已經清拆晒嘅安華裝飾城，南邊重有喺度起緊嘅樓盤。而呢個站凈係開咗東邊嘅出入口，所以平時都係喺廣外讀書嘅學生、喺呢度冇幾遠嘅居民同埋極少數去白雲山西門嘅遊客嚟坐車。但係呢個站距離人口密集區比較遠，所以去蕭崗站坐車嘅人必須搭其它交通工具或行路先到地鐵站，搞到有部分居民揀搭巴士。由於呢個站喺笪空地入面，加上有啲地區重係建築工地，所以好難搵得到呢個站嘅出入口，結果導致呢個站得好少人嚟坐車。

宜家呢個站附近嘅在建樓盤已經基本起咗，出入口旁邊開咗一條新馬路同埋起好路燈，方便乘客出入呢個車站。所以宜家喺早晚高峰已經多咗好多人嚟呢個站坐車嘅，但係其餘時間重係冇乜人坐車。

接駁巴士

日班車：

• 安華裝飾城站：

  一般巴士：

  36、126、127、244、265、268、291A、291B、563、706、803A、803、832、841

  高峰巴士：

  高快5

• 蕭崗地鐵站：

  一般巴士：

  712、713、841、982

  高峰巴士：

  高快49

• 雲城西路站：

  742

夜班車：

• 安華裝飾城站：

  9、22

註同攷

註

攷

上一站·下一站

上一站⇚⇚　　　　廣州地鐵　　　　⇛⇛下一站
白雲文化廣場站 廣州南站←	蕭崗站 2號綫	江夏站 →嘉禾望崗站