藍燈籠係香港股市嘅潮語，指股價一直落後或者好少炒作嘅藍籌股喺大升市突然急升，可能係大戶喺「炒到無得炒」嘅情況之下，最後炒高呢類股票，暗示大升市就完，未來即將大跌。
曾經被坊間所指「藍燈籠」嘅股票有中電控股、港燈集團、九龍倉[1]、匯豐控股[2]、和記黃埔[3]、太古A[4]、港鐵公司[5]、中國銀行[6]等等。
「藍燈籠」源於舊時當屋企人有人死咗就會喺門外掛藍色燈籠畀人知屋企有人死咗嘅典故。香港股市就用呢個比喻「跌市（死亡）明燈」。
