藍鯨 (遊戲)

藍鯨（粵拼：laam4 king4；俄文：Синий кит）係隻恐怖同自殺式傾向嘅暴力遊戲，由21歲俄羅斯僆仔——菲臘·布德金（Phillip Budeikin）負責整。佢整呢個遊戲係菲臘本人利用自殺傾向嚟清淨下社會嘅不良風氣。遊戲發佈出街之後，俾全球好多個國家猛咁批評。甚至有好多歐洲國家開始封殺呢個遊戲。

遊戲目的

遊戲嘅主要爆機目的係50日內，要搞掂嗮層主要求嘅各種殘忍方式令自己受到傷害嘅任務。喺開始參加呢種遊戲之前，必須要提供個人資料（例如身份證同個人相），女仔嘅要畀多張自己本人嘅鹹相先至得。而且一旦加入遊戲後，層主重威脅半路冇得退出。一旦退出，會有好多泶㺒嘢埋嚟，搞到成身蟻。

其中第一個任務要求係每日04:20起床，之後成日睇恐怖Ⅲ級片或「M 成年觀眾」節目，重要用刀或匕首鎅花自己隻手臂（要鎅成藍鯨個樣）；中途重唔畀同其他人做交流或溝通；到任務最後一日（第50日）要通過完成自殺任務先至可以爆機。

遊戲管理員畀出任務嘅目的同方式，類似非法傳銷同部分邪教嘅洗腦統治形式好相似。

反應同封殺

呢個遊戲出街之後，由於俄羅斯喺2015年4月到2017年3月間出現130單疑後生仔因為呢種遊戲自殺，令總統普京開始關注呢單嘢兼打擊呢種網絡教唆犯罪活動。最後喺2016年10月捉咗負責整同發佈呢個遊戲嘅人。

應對

雖然遊戲製作、發佈人已經被收監，但由於家下網絡媒體氾濫而從俄羅斯好快傳到其他國家。同時好多歐美國家同中國大陸都發出咗遊戲警告，話呢個遊戲有個人自殺傾向，好易命仔凍過水，勸玩家千祈冇掂佢。

家下喺俄羅斯、西歐國家、巴西、智利、哥倫比亞、中國大陸同墨西哥、印度、沙地阿拉伯都向呢個遊戲列入咗黑名單。

註同攷

註

攷