維基百科

蘇州日本人學校斬人案

蘇州日本人學校斬人案（粵音：sou1 zau1 jat6 bun2 jan4 hok6 haau6 zaam2 jan4 on3）[1]係指喺2024年6月24號晏晝四點幾嗰陣，江蘇蘇州虎丘區塔園路近住蘇州日本人外籍人員子女學校嘅新地中心巴士站嗰度發生嘅一壇嘢。呢次事件造成1人死咗，2人整親。據報導話，事發嗰陣咁啱得咁蹺係放學時間，卅零歲嘅日本僑民老母同佢個三歲仔仔企咗喺新地中心巴士站等緊校車接送，當校車揸到埋嚟嗰陣，一個52歲中國男人無啦啦擸（laap3）起把刀諗住拮向嗰對日僑母子，個中國男人先係搲（we2）住個三歲細路仔件衫，跟手𢬿（kaai3）把刀拮落佢個背脊。校車上54歲中國籍引導員胡友平睇見咁大件事，即刻用遮同埋手袋擋住唔畀個中國男人繼續攻擊，最嬲尾仲要同另一個的士司機夾手夾腳先至制服到個男人，但係點知喺過程當中胡友平亦都畀個中國男人拮咗幾嘢，送院之後都係救唔返就噉死咗。而喺佢死咗後嘅第二日，日本國駐華大使館降半旗向佢致哀[2][3][4]。

蘇州日本人學校斬人案
係一個stabbing attack 喺Wikidata改呢個
發生喺中華人民共和國 喺Wikidata改呢個
位處政區虎丘區 喺Wikidata改呢個
座標31°17′37.5″N 120°33′13.86″E 喺Wikidata改呢個
日期2024年6月24號 喺Wikidata改呢個
受害人Hu Youping 喺Wikidata改呢個
加害者嘅人數1 喺Wikidata改呢個
死咗嘅人數1 喺Wikidata改呢個
受傷嘅人數2 喺Wikidata改呢個
蘇州日本人學校斬人案嘅位置
Map

參攷

編輯
  1. ↑ 〈蘇州日本人學校斬人案中國女職員身亡駐華使館降半旗致敬〉。《香港01》。喺2024-06-28搵到。
  2. ↑ 〈日本駐華使館降半旗向胡友平致哀 | 聯合早報〉。www.zaobao.com.sg (簡體中文)。喺2024-06-28搵到。
  3. ↑ 李智。〈日本使館降半旗致敬胡友平：勇氣與善良代表了廣大中國民眾〉。www.china.com.cn (英文)。喺2024-06-28搵到。
  4. ↑ 〈胡友平搶救無效去世 日本駐華大使館降半旗致哀〉。www.backchina.com。喺2024-06-28搵到。
由「https://zh-yue.wikipedia.org/w/index.php?title=蘇州日本人學校斬人案&oldid=2151263」收