蘇浩
蘇浩（Anthony So，1986年1月27號—）係人民力量執行委員、陳志全議員助理同將軍澳社區主任，網台政論節目主持。
 Anthony So (Soho) | |
| 性別 | 男 |
|---|---|
| 出世 | 1986年1月27號.svg){kind=small} 英屬香港 |
| 政黨 | 選民力量、人民力量 |
投身政治
編輯
蘇浩對政治有興趣，係因為2003年七一遊行。佢參加過港台舉辦嘅「政壇新秀訓練班」。2006年，蘇浩同幾位年輕人因為關心香港政制發展，成立「青年政改大聯盟」，喺facebook開設群組，曾經舉辦街頭青少年論壇，鼓勵青少年提出心目中嘅政改方案[1]。
2008年加入當時標榜改革同抗爭嘅社會民主連線。
2010年因為唔同意民主黨喺政改中「轉軚」，於是轉投選民力量、人民力量，參加「票債票償」運動，喺2011年區議會選舉出選中西區中環選區（A01）[2]，狙擊民主黨許智峯，同報稱獨立嘅衛珮璇競爭議席，結果大敗[3]，票債票償運動衰咗。
2011年加入網上電台香港人網。後尾，香港人網創辦人蕭若元開辦新網台謎米香港，照舊擔任節目主持。主持過好多個節目，俾人笑係「插科打諢」嘅主持人。
2012年10月起擔任人民力量陳志全議員助理同將軍澳社區主任，主力負責「拉布」演講稿同埋服務調景嶺地區嘅街坊。
2013年4月，出任第三屆人民力量執行委員，進入政黨嘅決策核心。
2014年雨傘運動嗰時，蘇浩負責人民力量金鐘佔領區陣地。12月11號臨天光，金鐘清場之前，蘇浩喺屋企俾差人拉咗，俾人告非法集結[4][5][6][7]。
- 人民力量將軍澳地區工作
-
人民力量將軍澳地區辦工室。2015年4月1日。
網台主持
編輯蘇浩口才好，轉數快，喺網上電台做主持大展才能。重好叻搞笑，專門劖亂歌柄，所以俾人話係最叻「插科打諢」嘅主持人。主持過好多節目，唔同範數，一樣應付自如，表現出色。
香港人網
編輯- 《風也蕭蕭》主持：蕭若元、靳民知、蘇浩。
- 《早朝天下》主持：黃洋達、林匡正、Ben、蘇浩。
- 《破地獄》主持：林匡正、Ben、蘇浩。
- 《明星潮醫館》主持：歐陽英傑、愛明、蘇浩。
- 《One Night Stand》主持：諾韻、蘇浩。
- 《戀愛小天后》主持：諾韻、蘇浩。
- 《孩子你好媽》主持：洪綽兒、姜依蘭、愛明、Judy曾麗文、蘇浩。
謎米香港
編輯- 《爆破地獄》主持：Henry、林匡正、蘇浩。
- 《國情揭露》主持：甄燊港、蘇浩。
- 《蕭遙遊》主持：蕭若元、Henry、蘇浩、于飛、趙善軒、Vera、Anthony Tso。
趣聞逸事
編輯參考
編輯- ↑ （撮要） 互聯網檔案館嘅歸檔，歸檔日期2020年3月28號，.〈網上建青少年力量〉（全文）[失咗效嘅鏈]，《明報》，2009年12月11號
- ↑ 中西區中環選區 (A01) 3號候選人蘇浩簡介 互聯網檔案館嘅歸檔，歸檔日期2015年6月21號，.，2011年區議會選舉網頁 互聯網檔案館嘅歸檔，歸檔日期2011年9月30號，.。
- ↑ 「2011年區議會選舉 - 選舉結果」 互聯網檔案館嘅歸檔，歸檔日期2011年11月8號，.。蘇浩（96票/5.2%）、衛珮璇（800票/43.3%）選輸，民主黨許智峯（951票/51.5%）當選。
- ↑ 〈警察清晨上門拘捕 ，蘇浩被控非法集結〉 互聯網檔案館嘅歸檔，歸檔日期2016年3月5號，.，《謎米新聞》，2014年12月11號 (6:59am)。
- ↑ 〈人民力量執委蘇浩被警員上門拘捕〉，東方報業集團網站，2014年12月11號 (06:45am)。
- ↑ 〈黃浩銘及蘇浩因涉非法集結被捕〉，東方報業集團網站，2014年12月11號 (12:19pm)。
- ↑ 〈清場前警上門拘4行動派〉 互聯網檔案館嘅歸檔，歸檔日期2015年7月12號，.，《蘋果日報》，2014年12月12號。
- ↑ 〈楊岳橋同人力蘇浩撞樣 〉 互聯網檔案館嘅歸檔，歸檔日期2016年3月4號，.，《蘋果日報》，2015年06月24日。