民主黨 (香港)

民主黨，花名「白鴿黨」，係香港嘅一個泛民主派政黨，由香港民主同盟同匯點合併而成，喺1994年10月2號正式成立，民主黨而家嘅主席係羅健熙。

民主黨 Democratic Party
主席	羅健熙
秘書長	空缺
副主席	伍凱欣、莫建成
創立	1990年4月23號 (1990-04-23)（港同盟成立） 1994年10月2號 (1994-10-02)
總部	香港九龍彌敦道776–778號恆利商業大廈四樓
象徵顏色	綠色
政黨口號	走在民主最前綫 有事要搵民主黨 為社區搏盡
立法會議席	0 / 90 （0%）
區議會議席	7 / 479 （1%）
政治派系	泛民主派（溫和民主派）
意識形態	自由主義 社會自由主義 溫和本土主義 反共主義（部分派系） 唔支持香港獨立 以前： 支持一國兩制 愛國主義（部分派系）
政治立場	中間偏左
網站	www.dphk.org

雖然民主黨而家喺香港立法會冇晒議席（喺九七回歸之前，曾坐擁19個立法局議席，九七回歸之後嘅立法會曾經擁有13個議席），但佢哋喺香港區議會入面，仍然係泛民主派第一大黨。

政治信念

1. 香港係中國唔分割得嘅一部分，支持香港回歸中國。
2. 回歸後實行一國兩制、高度自治同港人民主治港。
3. 關心中國，作為中國人民嘅一分子，香港人有權利同責任去參與同評議國家事務。
4. 對中國政府任何涉及或影響香港嘅政策，反映港人意見，爭取港人嘅利益得到合理嘅照顧。
5. 民主係實現高度自治嘅必要條件，係殖民地統治結束後理所當然嘅發展。
6. 民主、自由、人權及法治係現代社會進步同繁榮嘅基石。必須加速民主政制發展，並同時鞏固現有保障自由、人權同法治嘅制度，及進一步改革不足之處。
7. 維持一個公平競爭同自由運作嘅市場體系，就需要有：適當嘅監管、合理同穩定嘅稅制、健全嘅法制同廉潔嘅政府。
8. 經濟發展有賴投資者、勞工、專業人士、政府同社會每一分子共同努力。創造財富係社會發展嘅前提，而社會每一分子能夠合理分享發展成果，先至係創造財富嘅目的。
9. 政改方案要喺立法會取得三分之二支持，要爭取建制派支持，必須喺「狹縫」覓出路，而泛民要先拋出「最大公因數」爭取建制接受， 但係「當我哋民主派都用最小公倍數（LCM），去收窄團結點，又點攞到連同建制派三分之二嘅支持？即使而家喺真普聯內過往被視為激進嘅人，都無用LCM 去團結大家」。
10. 就算提名組成及運作不公平，但若最後仍可推出不同政見候選人，「是否就不合乎普及而平等的原則呢？」
11. 為促進香港穩定繁榮、維護社會公義及消除任何岐視，香港需要建立一套健全嘅教育、醫療、房屋、勞工、社會福利同社會保障制度，更要促進個人平等嘅機會以發展個人潛能及社會參與。
12. 為社會嘅長遠發展及保障下一代生活質素，致力保育環境，使到資源得延續，生生不息。

歷屆主席

• 李柱銘 任期：1994年10月2號—2002年12月2號（連任4屆）
• 楊　森 任期：2002年12月2號—2004年12月12號
• 李永達 任期：2004年12月12號—2006年12月17號
• 何俊仁 任期：2006年12月17號—2012年9月10號（連任2屆）
  • 劉慧卿（署任）任期：2012年9月10號—2012年12月16號
• 劉慧卿 任期：2012年12月16號—2016年
• 胡志偉 任期：2016年—2020年12月5號
• 羅健熙 任期：2020年12月6號—

立法會議員

議　席	界　別	姓　名	1998-2000	2000-2004	2004-2008	2008-2012	2012-2016	2016-2020	備註
地方選區	香港島	李柱銘
		楊森
		甘乃威
		單仲偕
		許智峯
	九龍東	司徒華
		李華明
		胡志偉
	九龍西	劉千石
		涂謹申
		黃碧雲
	新界東	鄭家富
		黃成智
		劉慧卿
		林卓廷
	新界西	李永達
		何俊仁
		陳偉業
		尹兆堅
功能界別	教育界	張文光
	資訊科技界	單仲偕
	社會福利界	羅致光
	衛生服務界	何敏嘉
	區議會（第二）	何俊仁
		涂謹申
		鄺俊宇
所得議席			13	12→11	9	8→9→8	6	7

區議會議員(2020-2023年度)

响香港第六屆區議會當中，民主黨曾經係全港擁有最多直選區議會議席嘅政黨，响15個區議會攞到91席，繼2003年第2屆香港區議會選舉後，做番區議會第一大黨，其中喺9個區議會都攞到優勢，而家係全港直選區議會議席第二多嘅政黨（亦係泛民主派區議會第一大黨），僅次於民主建港協進聯盟。

喺第6屆香港區議會選舉之後，議席有以下嘅變化：

• 2020年1月，屯門區議員林頌鎧、朱順雅退黨。
• 2020年12月，中西區區議員許智峯流亡海外，並且退黨，2021年5月尾冇咗議席。
• 2021年2月3號，觀塘區議員洪駿軒成為本屆區議會第一位被裁定當選無效而冇咗議席嘅區議員。
• 2021年3月中，東區區議員張國昌因家庭理由退黨。
• 2021年3月31號，民主黨副主席林卓廷辭去北區區議員職務，正式劈炮。
• 2021年4月29號，中西區區議員吳兆康劈炮。
• 2021年5月，前立法會議員、葵青區議員尹兆堅、屯門區議員馬旗先後劈炮。
• 2021年5月28號，葵青區議會主席單仲偕因為2019年10月1號遊行案被判坐花廳，緩刑兩年，冇咗區議員職務。
• 2021年7至10月，近90%嘅民主黨區議員喺區議員宣誓風波入面，因為劈炮同埋宣誓無效而冇咗議席。
• 2021年尾，喺2021年香港區議員宣誓入面宣誓有效嘅黃國桐、周卓奇、黎寶桂先後退黨，與此同時，北區區議員黃凱盈喺同年8月尾開始連續缺席北區區議會所有會議，2022年1月1號開始冇咗議席。
• 2022年2月，中西區區議會副主席楊浩然退黨。

而家民主黨喺4個區議會入面剩低7名議員，包括：

區議會	選區號碼	選區	議員	備註
油尖旺區	E05	富榮	李偉峰
	E17	尖東及京士柏	朱子洛	油尖旺區議會副主席
深水埗區	F13	荔枝角中	袁海文
沙田區	R24	駿馬	周曉嵐
	R33	耀安	冼卓嵐	沙田區議會副主席
葵青區	S10	大白田東	劉貴梅
	S12	石籬北	林紹輝

選舉成績

立法會

選舉	民選票數	得票率	總議席	領袖
1995	385,428	41.87%	19 / 60	李柱銘
1998	634,635	42.87%	13 / 60	李柱銘
2000	418,810	31.74%	13 / 60	李柱銘
2004	423,631	23.74%	9 / 60	楊森
2008	312,692	20.63%	8 / 60	何俊仁
2012	247,220	13.65%	6 / 70	何俊仁
2016	199,876	9.22%	7 / 70	劉慧卿

區議會

選舉	得票	得票率	總議席	領袖
1994	160,544	23.39%	81 / 373	李柱銘
1999	201,461	24.67%	87 / 519	李柱銘
2003	223,675	20.98%	95 / 529	楊森
2007	173,886	15.14%	59 / 534	何俊仁
2011	205,716	17.11%	47 / 507	何俊仁
2015	196,068	13.36%	43 / 458	劉慧卿
2019	362,275	12.41%	91 / 479	胡志偉

前黨員

退黨潮

1. 2002年4月，十幾人，包括陶君行
2. 2010年，30人，包括范國威
3. 2015年9月，9人，包括麥潤培
4. 2018年12月12號，59人，包括5名區議員

其他前黨員

• 陳國樑，2000年退黨
• 劉千石，2000年6月被革除黨籍
• 馮智活，2001年1月退黨
• 陳偉業，2002年12月退黨
• 張炳良，2004年10月退黨
• 鄭家富，2010年6月退黨
• 黃成智，2015年4月被革除黨籍
• 梁翊婷、蘇逸恒，2022年2月被革除黨籍

連出去

• 民主黨官方網頁