蘇維埃

  提示：呢篇文講嘅唔係蘇聯。

蘇維埃 (俄文：Совет，拉丁化：sovyet，直譯 「委員會」) 係一個代表工廠工人嘅委員會，嚟自社會主義嘅文化。呢個係十月革命之後嘅蘇俄所成立嘅主要政府模式。

歷史

喺1905年之後，俄帝國嘅大城市，特別係聖彼得堡，開始出現蘇維埃。到1917年二月革命之後，俄國臨時政府同蘇維埃曾經短期出現雙重分權嘅時間，各自都有部分嘅權力，維持咗8個月左右。到十月革命之後，俄國唔同嘅蘇維埃就一齊宣佈自己做俄國嘅政府，成立蘇俄。

名

因為蘇維埃係直接引致蘇聯嘅成立，所以好多時候講“蘇維埃”都會係講緊蘇聯。不過，其實呢啲委員會唔一定淨係俄國先有，而其他社會主義嘅運動亦會用，例如中華蘇維埃共和國或者愛爾蘭曾經出現嘅蘇維埃。唔同國家同時代嘅蘇維埃，並唔一定係支持蘇聯嘅意識形態同政策。