蘋果照妖鏡
蘋果照妖鏡，係指一啲由《蘋果日報》刊登，銳利度同雜訊都極高嘅相，會將唔少人影得好樣衰。有媒體形容，蘋果照妖鏡令明星同好多公眾人物聞風喪膽，亦有網民話「蘋果照妖鏡，影乜都唔靚」、「蘋果照妖鏡，照出女星病！」。其中一啲比較經典嘅照妖鏡相，包括張栢芝反白眼、黃伊汶小丑神等[1][2][3]。
出現嘅原因
編輯有都市傳說話，當初係因為《蘋果日報》為咗慳油墨，將相片嘅對比度提升，加上極高雜訊後再將照片壓縮，以減低印刷嗰陣所需要嘅油墨，於是就出現咗「蘋果照妖鏡」[1]。
相關事件
編輯2021年6月，香港警察用《香港國安法》嘅名義，連理據同法庭嘅頒令都無，拉咗壹傳媒幾個高層，又凍結壹傳媒嘅銀行戶口，最後搞到蘋果日報同壹週刊停刊。事件除咗引起好多香港人同國際社會關注香港新聞自由被政府嚴重破壞，亦有唔少媒體同公眾人物都分享自己或其他人被蘋果照妖鏡捕捉到尷尬畫面嘅相，懷緬一下以前《蘋果日報》嘅舊時光[1][2][4][3]。元朗區議員張秀賢亦曾經被蘋果照妖鏡影低，面對蘋果日報同壹週刊停刊，佢亦曾經話，如果保得住蘋果，唔介意畀照妖鏡影成世[5]。
參考
編輯- ↑ 1.0 1.1 1.2 〈張栢芝反白眼、黃伊汶撞樣小丑最經典！眾星大方重溫「蘋果照妖鏡」相，7年前Coffee認唔到？〉。《GirlStyle 女生日常》 (中文)。原先內容歸檔喺2021-06-25。喺2021-06-25搵到。
- ↑ 2.0 2.1 〈又喊又笑：蘋果照妖鏡 | 蔡芷筠 | 立場新聞〉。《立場新聞 Stand News》。原先內容歸檔喺2021-06-25。喺2021-06-25搵到。
- ↑ 3.0 3.1 〈蘋果照妖鏡洗版 藝人分享當年醜照〉。《Now 新聞》 (香港中文)。原先內容歸檔喺2021-06-25。喺2021-06-25搵到。
- ↑ 〈#蘋果照妖鏡 | 體路專欄 | 立場新聞〉。《立場新聞 Stand News》。原先內容歸檔喺2021-06-25。喺2021-06-25搵到。
- ↑ 〈【蘋果終章】網民集體回顧《蘋果》26年趣事 港人仍苦中作樂〉。Radio Free Asia (英文)。原先內容歸檔喺2021-06-25。喺2021-06-25搵到。