蘿蔔
蘿蔔（蔔讀白；學名Raphanus sativus）係十字花科蘿蔔屬植物，佢嘅根粗大多汁，係常見嘅菜。生物學上，蘿蔔同種，根形各異，有球形，亦有長形，色又好多隻，有白、有青、有黃、有紅、有粉紅、有灰黑等等。
.jpg)
之不過日常見橙橙紅紅嘅紅蘿蔔，並唔係蘿蔔品種，只係形似。而紅色球形嘅紅菜頭，亦唔係蘿蔔品種。
如果單講「蘿蔔」，多數係講白蘿蔔，長形嗰種。
名
編輯蘿蔔，又叫萊菔，古名蘆菔，《唐韻》話「魯人名菈（艸遝），秦人名蘿蔔」，可見古音相通，只係一音之轉。
蘿蔔個蔔，並唔常寫，所以有時白字，寫成蘿白。普通話影響，亦有人寫錯做蘿卜。
英文通稱radish，源自拉丁文根咁，皆因古時已知食蘿蔔根。
來源
編輯蘿蔔古時已散佈各地，大種特種，考古難以推斷出處。科學家推斷，蘿蔔係出自南洋，只南洋有野生蘿蔔。之後分別去咗中國、印度同西域，生出不同款式，再散出去。古希臘人公元前三世紀已有記載，公元一世紀古羅馬人詳列種種明細。