蚊帳

蚊帳係一種帳，用輕紗造，用唻防蚊，通常架喺牀上面，有啲營帳亦有蚊帳。蚊帳自古就有，各地文明都見，畀蚊咬會痕到瞓唔好，掛起蚊帳唔畀蚊飛入帳。用紗造係方便透光同透氣，亦無咁熱。

古式蚊帳

掛架蚊帳

圓頂天花蚊帳

露營蚊帳

除咗防蚊，亦可以防蠅防飛蟲。防蚊蟲亦能防住相關疾病，好似瘧疾、登革熱、黃熱病、寨卡病毒等。

現代咁多種物料，蚊帳可以用各種唔同物料織成，窿唔大過一毫米二。蚊帳亦可加杜蟲藥或者防蟲藥，以增加效力。

有啲地方拎蚊帳做魚網。