表音文字（粵拼：biu2 jam1 man4 zi6；英文：phonogram）係指每隻文字素都表達緊某隻音素嘅文字系統。例如羅馬字就係一種表音文字。
同一隻字符，唔同語言以至同一隻語言嘅唔同書寫系統，都可能會用隻字符表示唔同嘅音。例如羅馬字母 j 喺粵拼同標準德文等嘅語言入邊係用嚟寫好似粵拼：j（想像漢字吔同也）噉嘅音嘅[註 1]，但係响一般嘅英文書寫裡邊，啲人見到呢隻字符嗰陣第一刻諗到嘅音明顯唔係粵拼：j 嗰個音。
