裕成辦館毒麪包案
裕成辦館毒麪包案係1857年響香港發生嘅懷疑響麪包落毒案件，四百幾個英國人中砒霜毒，但一路都查唔到當時邊個落毒，係一單懸案。
1857年1月15號朝早，四百幾個英國人（包括港督夫人）食過由裕成辦館整嘅早餐後，突然肚痛同嘔，之後驗出早餐嘅麪包有好多砒霜，因為砒霜多到令人嘔返晒出嚟，最後冇人死到。裕成辦館東主張霈霖成家人咁啱搭船過澳門，警方以為佢著草，即刻派水警捉佢返嚟，告佢蓄意落毒同企圖謀殺。後尾警方查到，張霈霖成家人都食過有毒嘅麪包，證明佢唔知情，所以就無罪釋放，但咁做又搞到香港班英國人唔滿意，最後張霈霖成家人都要遞解出境。
有人認為，毒麪包案根本就冇人蓄意落毒，只係裕成辦館買嘅麪粉響貨船度畀同倉嘅砒霜污染咗。
知多啲
編輯- 〈香港陪審團制度與法治之確立：裕城辦館毒麵包案〉。《CUP 媒體電子報》 (繁體中文)。喺2024-11-12搵到。