裕民財務

裕民財務（Bumiputra Malaysia Finance，簡稱BMF）係馬來西亞國營裕民銀行喺香港附屬公司。以涉及佳寧案而聞名，令馬來西亞有巨額損失。

佳寧案

喺馬來西亞新經濟政策之下，裕民銀行喺1977年去香港開裕民財務。原本打算開銀行分支，結果因為唔合香港法例要求，所以變成財務公司。1979年佢祕密借錢畀陳松青為首嘅佳寧集團買金門大廈，加上地產市道去到頂峯，令到佳寧突然大幅擴展。因為外界認為資金來源不明，佳寧利用呢筆錢，玩財技同搞出一串騙案，大量收購。後尾地產市道急轉直下，頂唔順，裕民財務再借錢畀佳寧來掩飾。1983年經濟不景，最後頂唔住要估佳寧股，加主馬來西亞派來嘅調查員死喺蕉林，成件事曝光。而佳寧就俾人清盤。

雖然件事令馬來西亞有巨額損失，只係香港同倫敦即極調查同拉人，馬來西亞國內並冇人因此而俾人檢控。裕民財務幾乎冇乜監管，附屬批出大額款項畀陳松青相關嘅公司，完全冇人干預。有可能涉及國內高層貪污。另一原因係馬來人視之為國恥而冇面對，因為裕民銀行係馬來人開設嘅銀行，用嚟對抗善於搞經濟嘅唐人。