西槎路
西槎路（粵拼：sai1 caa4 lou6）係中國廣東省廣州市嘅一條主幹道，喺白雲區入面，成條馬路好似中文筆畫「㇕」樣。東南邊從西灣路開始，一直去到西北邊嘅槎頭地區嘅增槎路同慶槎路嘅交界嗰頭。而今西槎路重係入槎頭嘅主要馬路。
| ||||||||||||||||
 西槎路嘅路牌（橫滘村嗰嚿） | ||||||||||||||||
| ||||||||||||||||
名
編輯呢條馬路因為連接西村同槎頭先至改咗噉嘅名，但係而家嘅西槎路冇直接連到去西村，而係經過西灣路連到西村入面。
史
編輯其實呢條馬路喺1934年搞出嚟嘅一條馬路，到咗1990年代尾，由於廣州人口越嚟越多，加上有啲人口因1號綫嘅拆遷而搬到同德圍住，加上嗰度嘅大塞車係出嗮名，結果俾好多廣州街坊笑佢做「華山一條路」，因為成日搞返學難、上班成日遲到、睇病難、辦證難等一系列嘅社會問題出嚟。後嚟到咗2005年，廣州電視台嘅新聞日日睇節目關注咗同德圍嘅街坊生活之後，政府先至開始關注咗同德圍嘅發展問題。除咗喺2004年搞咗德康路同石槎路出嚟之外，喺2006年重將同德圍貨運場搬走埋；2007年幫巴士站搞咗港灣式車站；喺2012年春，廣州市嘅地鐵規劃又將8號綫嘅規劃延長到石井嗰邊，加上經過同德圍嗰度，同時又搞埋高架橋出嚟。喺2014年12月中，同德圍南北高架橋正式開通。
同德圍南北高架橋
編輯内文：同德圍南北高架橋
同德圍南北高架橋係廣州市政府喺2012年12月29號，為咗解決西槎路嘅大塞車問題先至搞嘅一條高架橋，而呢條高架橋喺2014年12月28號開通。
8號綫
編輯内文：廣州地鐵8號綫
8號綫嘅北延段喺2012年春嗰時嘅規劃，經過同德圍之後一直去到而家嘅白雲湖嗰頭[1]。到咗2014年春節之後未到元宵嗰時正式開始喐手起[2]。
敘述
編輯全長4.3公里，闊24——36米，雙向4——6車道。
經過嘅道路
編輯呢度啲路嘅順序係從東南去到西北嚟排嘅，其中加粗咗嘅字係主幹道：
攷
編輯- 民國廣州路名(今海珠、天河區) 360Doc个人图书馆
註
編輯- ↑ 2016年同德围通地铁 8684.cn
- ↑ 8号线同德围站节后正式施工 互聯網檔案館嘅歸檔，歸檔日期2015年4月19號，. 信息时报 （2014-01-27 A10版）