西湖路 (廣州)
西湖路（粵拼：sai1 wu4 lou6）係中國廣東廣州嘅東西走向馬路，喺越秀區。西邊從廣州起義路開始，一直向東去到北京路。
| ||||||||||||||||
| ||||||||||||||||
概要
編輯全長461米，闊5米，雙行2車道。喺每年農曆新年嗰陣唔畀行車。
史
編輯其實呢度喺宋朝嗰陣，係嗌咗「西湖街」呢隻名嘅，因為呢度係以前廣州嘅古代湖泊——西湖[1]。到咗1932年，廣州市政府就將條西湖街整闊咗，就起咗條「西湖路」。如估講下呢條路嘅話，附近有好多古代出現過嘅書院同埋歷史文物喺呢度。
燈光夜市
編輯呢條馬路之前係有個「燈光夜市」喺度嘅，由於佢離個北京路好近，所以呢度賣衫褲都幾旺下。喺1984年5月份，廣州市政府就因為人民路嗰邊起緊條人民路高架橋，將嗰陣時嘅觀綠路燈光夜市搬到嚟呢度開。不過到咗1997年因為話要起條地鐵一號綫嘅關係，封咗條中山五路，搞到連燈光夜市都冇埋。到咗2001年，廣州市政府就決定拆咗條燈光夜市。
西漢南越國木構水閘遺址
編輯内文：西漢南越國木構水閘遺址
到咗2000年，廣州市嘅考古專家就喺光明廣場附近嘅地下發現咗2000幾年前嘅西漢南越國木構水閘遺址，依家已經開放咗畀市民睇喇。
經過嘅道路
編輯
條路順序從西到東排，加粗咗嘅字係主幹道：
特色
編輯由於呢條馬路附近冇幾遠就係北京路步行街，所以呢度嘅商業都幾犀利下，尤其係馬路嘅東邊有廣州百貨大廈、光明廣場呢啲咁嘅百貨商場，重有好多地方嘅大排檔、賣衫褲同賣鞋嘅鋪響度。而馬路嘅西邊就係成日賣西裝同埋模特兒嘅舖頭。喺每年嘅農曆新年期間，西湖路同教育路都開咗廣州市入面最重要同埋人流量最大嘅花市——越秀區西湖花市（之前嗌過「雙門底花市」呢隻名）。不過到咗2005年，廣州市政府雖然話想將個西湖路嘅花市搬去東湖嗰邊，結果搞到好多人話反對，後嚟廣州市政府決定將西湖路嘅花市保留。[2]。