卡洛斯二世

卡洛斯二世（西班牙文：Carlos II，1661年11月6號—1700年11月1號），係西班牙哈布斯堡王朝末代國王，1665年到1700年在位。

卡洛斯二世

佢一世人都身體唔好，結過兩次婚都冇得生，令西班牙帝國嘅繼承出現問題。被確立嘅繼承人經歷幾次轉變，首先係卡洛斯二世嘅外甥孫、拜仁嘅約瑟夫費迪南，之後改為神聖羅馬皇帝利奧波德一世嘅細仔卡爾（後來嘅神聖羅馬皇帝卡爾六世），最後再改為法國王路易十四個孫安茹公爵。

卡洛斯二世駕崩之後，安茹公爵繼位成菲臘五世。第二年，持續十三年嘅西班牙王位繼承戰爭爆發。