詩季織織粵拼si1 gwai3 zik1 zik1 》(日文:詩季織々,英文:Flavours of Youth),又叫《 肆式青春粵拼sei3 sik1 cing1 ceon1 》,係一套 CoMix Wave Films 同繪夢動畫製作嘅電影。呢套戲係由三個用「衣食住」嚟做主題嘅故事組成嘅選集,分別喺北京上海廣州三個城市發生[1]。大陸累計票房賺咗大概 280 萬人民幣[2]

詩季織織、肆式青春
Flavours of Youth
資料明細
導演李豪凌、易小星 、竹內良貴
編劇易小星、永川成基、李豪凌
配樂作曲境亞壽香、yuma yamaguchi、石冢玲依
製片商CoMix Wave Films[*]
Haoliners Animation League[*]
片長74 分鐘
產地中華人民共和國
日本
日文
上畫同發行
上畫日期2018
發行商Netflix(國際)、東京劇場(日本)、卓然影業(大陸)
預算280 萬人民幣

劇情 編輯

《一碗鄉愁(向陽早餐)》【主題:食】

喺北京打工嘅小明覺得佢嘅生命太過單調,好煩躁。有一日朝早返工嘅路上,小明突然間諗起咗佢喺湖南故鄉嘅時光。佢同佢阿嬤喺鄉下生活、佢返學路上面感受到嘅戀愛氣息、佢喺學校裏面發生嘅事件,回憶返童年啲記憶嗰陣,諗返起細個食嘅三鮮米粉。而家喺北京大城市,人同人之間嘅距離甚至比米粉之間仲遠。就喺嗰陣,小明收到咗佢嬤嬤病得好犀利嘅訊息。阿嬤終於見到返到湖南嘅小明,過咗幾分鐘之後,過咗身。小明去翻細個成日去嘅米粉店,懷念同嬤嬤一齊嘅時光,以及對未來感到滿足。

《霓裳浮光(小小時裝秀)》【主題:衣】

住喺廣州嘅一對姊妹,家姐叫依琳,係個時裝摩度,妹妹叫璐璐,係個專修學校嘅學生,細個嗰陣失去咗父母,互相依靠噉生活。依琳雖然事業大放異彩,但係唔單只人際關係惡化、日日工作煩惱、仲同戀人分咗手,因此覺得自己人氣衰減緊。依琳喺其中一次時裝表演突然間暈咗之後,打算轉行,叫璐璐教佢點整衫,引起爭議。主管聽完依琳同佢解釋咗情況之後,畀咗依琳一張紙條,叫佢喺某個地方約會。依琳到咗個地方之後,發現咗佢下一個時裝表演會喺呢度舉行,並且收到咗璐璐特別畀佢嘅禮物——從細到大依琳最想要嘅紅色連身裙。之後,兩姊妹一個從學校畢咗業,另一個繼續做摩度,兩個都比以前覺得更加滿足。

《纖雨初晴(上海戀)》【主題:住】

喺 1999 年上海石庫門居住跟嘅李墨同夏小雨同學兩者之間深情厚意。其中一日,夏小雨返屋企嗰陣跌嚫,返唔到學。李墨用小雨畀佢嘅錄音帶,錄咗課堂內容。之後,小雨同李墨用錄音帶交流,建立咗青梅竹馬嘅關係。過咗一陣,小雨同李墨交代咗屋企人逼去楊浦大學讀書嘅志向。李墨打算都報名讀楊浦大學,但係為咗唔整到小雨擔心,冇同佢講到。小雨最後為咗留低同李墨相處,特登肥咗個入學試,結果畀佢老豆打到入院。小雨亦都冇辦法同李墨講佢嘅計劃,李墨結果畀大學收咗。李墨因此離開咗石庫門,小雨飛咗去美國讀書,李墨同小雨最終疏離得比想像中仲遠。幾年後,李墨喺社會工作覺得唔太順利,決定搬屋。收拾行李嗰陣,揾返小雨畀佢嘅錄音帶,發現最後冇聽到嘅信息係小雨諗住同佢講話想特意陪李墨,唔入楊浦大學,聽完之後,李墨大喊。再過多幾年,李墨喺自己管嘅旅館門口見到小雨,互相微笑。

片尾場景,所有主角全部喺同一個機場準備等機,全部都覺得人生好滿足。

登場人物 編輯

一碗鄉愁 編輯

小明(日文:シャオミン)

配音:坂泰斗(青年),伊瀨茉莉也(細佬)(日文);白客(青年),常蓉珊(細佬)(大陸普通話);鈕凱暘(台灣國語);克里斯賓 · 弗里曼(英文)

湖南出世,而家喺北京工作。細個同阿嬤生活。

霓裳浮光 編輯

依琳(日文:イリン)

配音:壽美菜子(日文);彭師欣(普通話/廣東話);楊凱凱(國語);伊雯·瑞秋·伍德(英文)

廣州住跟嘅一個高人氣嘅摩度,父母都離咗世,同妹妹一齊生活。

璐璐(日文:ルル)

配音:白石晴香(日文);陳穎輝(普通話/廣東話);徐瑀甄(國語);肖乔娜(英文)

住廣州,服裝設計專修學校讀緊書。雖然係依琳嘅阿妹,但係性格好內向。即使同家姐性格完全相反,佢依然好關心佢。

史蒂夫(日文:スティーブ)

配音:安元洋貴(日文);李嘉恆(普通話/廣東話);宋克軍(國語);George Ackles(英文)

依琳嘅主管,喺公司方面係依琳好重要嘅商量對象。同璐璐關係唔差。

纖雨初晴 編輯

李墨(日文:リモ)

配音:大塚剛央(日文);梁達偉(普通話/上海話);蔣鐵城(國語);Ross Butler(英文)

上海人,建築設計行業做嘢,但係工作停滯不前。

夏小雨(日文:シャオユ)

配音:長谷川育美(日文);唐雅菁(普通話/上海話);唐雅菁(國語);Erica Mendez(英文)

李墨嘅初戀對象,細個成日一齊玩。由於學業,最終同李墨疏遠咗,人生道路同佢就得好唔一樣。

編輯

  1. 季織々(しきおりおり)公式サイト. 季織々(しきおりおり)公式サイト (日文). 喺2022-05-01搵到.
  2. . ys.endata.cn. 喺2022-05-01搵到.

編輯