米粉

米粉係用米做主要材料整成嘅細長條狀嘢食，喺中國大陸南方、台灣、東南亞由於盛產稻米，所以比較流行。米粉質地柔韌，富有彈性，水煮唔糊湯，乾炒唔易斷。

湖南口味嘅常德米粉

香港常見嘅魚蛋米粉

經浸泡、蒸煮、壓條等工序製成嘅一餅米粉，食法同即食麵類似

唔同地區嘅米粉由於製法唔同，會有唔同嘅長短、粗細、質地同口味。米粉嘅日文「ビーフン」係沿用台語嘅「bi-hun」。

起源

據講係古代中國五胡亂華時期民眾避居南方而產生嘅嘢食。一個講法係為咗方便帶住走難同食用，因為米粉預先煮熟，令烹煮容易，出外帶走亦方便。

另一講法係當時漢人南遷華南地區，卻但就好懷念北方嘅麵，因此以稻米取代麥榨條嚟食，根據《新竹市志》上嘅記載：「五胡亂華，華人南遷閩浙時，仍以稻米榨條而食，即當今之米粉也」、「米粉之製法由福建惠安傳入台灣」。

米粉喺以前算得上係「高級食品」，只有喜慶宴客、特殊節日先會以「炒米粉」招待人客。

料理方法

• 喺台灣，湯米粉、炒米粉係常見嘅小食。
• 喺貴州、重慶一帶嘅米粉味道相當辣，一碗湯幾乎都係紅色嘅。貴州遵義、重慶合川地區居民大都以紅湯嘅羊肉米粉做每日嘅早餐。
• 南昌炒粉亦係南昌當地著名小食，其中以牛肉炒粉為上品。
• 喺香港，星洲炒米就係辣味炒米粉，同時亦有以湯佐食嘅，普遍使用由廣東東莞製造嘅東莞米粉。
• 喺桂林，桂林米粉有鹵菜粉、湯粉兩種，另外重有牛腩粉、生菜粉同馬肉米粉等幾種。
• 喺柳州，出名嘅螺螄粉，攞螺螄煲成湯煮成，味道濃郁，近年喺網絡上比較出名。
• 喺北海，比較出名嘅係海鮮粉；欽州比較出名嘅係豬腳粉；防城港比較出名嘅係越南雞粉（來自越南，見下）；鬱林比較出名嘅係牛腩粉；啲城市嘅粉基本都係扁粉，而嘸似桂林、柳州啲粉一般肯攞圓粉來做。
• 越南出名嘅係北越嘅越南河粉（越南文：𡂄phở） ，同埋南越嘅越南圓粉或者話米線（越南文：𥻸bún），由於喺西方國家多越南人整食肆所以出名。其中越南河粉最出名係喺河內嘅河粉，圓粉最出名係順化牛肉粉。
• 喺泰國，米粉湯亦係常見嘅小食。

睇埋

• 米線