調換兒

調換兒（粵音：diu6 wun6 ji4 | 英文：changeling，舊名 auf / oaf）係中世紀歐洲嘅民間故仔當中成日出現嘅一種傳說生物。

傳說

根據傳說，仙子或者精靈好鍾意拐帶人類嘅臊孲仔，將呢啲臊孲仔帶返去仙子之地做奴僕或者貢獻畀撒旦嘅什一奉獻^[1]：當一隻仙子或者精靈捉走一個臊孲仔嗰陣，好多時會同時擺低佢自己嘅細路－呢啲「由仙子或者精靈所生、同一個人類臊孲仔調換咗」嘅細路就係調換兒；傳說講，調換兒個樣望落同正常人類冇乜大分別，但行為古怪或者異常咁古惑，而且佢哋仲好大食，會食窮養父母^[2]。

中世紀歐洲嘅民間有好多關於調換兒嘅迷信：有父母驚自己嘅臊孲仔畀仙子調換，所以會喺個臊孲仔床頭擺低嚿凍鐵（因為傳說仙子驚凍鐵），或者要個細路一出世就有咁快得咁快受洗（受洗被認為能夠驅除邪惡力量）；又有傳說話「如果有方法引個調換兒大笑，自己個親生細路就會返嚟」... 呀噉^[3]。

睇埋

引述

↑ Lyle, E. B. (1970). The Teind to Hell in Tam Lin. Folklore, 81(3), 177-181.
↑ Ashliman, D. L., "Changelings", 1997. Frenken shows historical pictures of the topic (newborn and the devil): Frenken, Ralph, 2011, Gefesselte Kinder: Geschichte und Psychologie des Wickelns. Wissenschaftlicher Verlag Bachmann. Badenweiler. pp. 146, 218 f, 266, 293.
↑ Katharine Briggs, An Encyclopedia of Fairies, Hobgoblins, Brownies, Boogies, and Other Supernatural Creatures "Changelings" (Pantheon Books, 1976) p. 71.

拎

（英文） Changeling. Encyclopedia Britannica.

[lyle1970-1] Lyle, E. B. (1970). The Teind to Hell in Tam Lin. Folklore, 81(3), 177-181.

[2] Ashliman, D. L., "Changelings", 1997. Frenken shows historical pictures of the topic (newborn and the devil): Frenken, Ralph, 2011, Gefesselte Kinder: Geschichte und Psychologie des Wickelns. Wissenschaftlicher Verlag Bachmann. Badenweiler. pp. 146, 218 f, 266, 293.

[3] Katharine Briggs, An Encyclopedia of Fairies, Hobgoblins, Brownies, Boogies, and Other Supernatural Creatures "Changelings" (Pantheon Books, 1976) p. 71.

[1]

[2]

[3]