諾域確夫自一致原則

諾域確夫自一致原則英文Novikov self-consistency principle)係一個有關時空穿梭猜想,用嚟解決祖父悖論噉嘅時間悖論嘅。

概論 編輯

祖父悖論(Grandfather paradox)係一個好出名嘅時間悖論。最基本嗰款祖父悖論係噉嘅:想像而家有個人,叫佢做「阿明」,阿明坐住時光機返咗上一個世紀;阿明時空穿梭嗰陣唔小心,錯手殺死咗自己阿爺[註 1];噉問題就出現喇-「阿明阿爺存在並且結婚生細路」係「阿明存在」嘅必要條件,如果一個人响生到任何細路之前就死咗,噉佢嘅孫理應會冇可能再存在,但响阿明嘅情況當中,「阿明存在」係「阿明阿爺响生到任何細路之前就死咗」嘅起因,噉即係話

  • 設 A 做「阿明阿爺存在並且結婚生細路」;
  • 設 B 做「阿明存在」;

A 引起 B 而且係 B 嘅必要條件,但 B 嘅發生最後又搞到 A 再發生,噉 A 唔發生,B 就應該唔再發生得到,但 B 唔發生嘅話,A 就應該會正常噉發生... 如是者,就出現咗場矛盾

對於祖父悖論嘅問題,有唔少思考者都嘗試諗方法解開,諾域確夫自一致原則就係噉諗嘅:根據諾域確夫自一致原則,一個時空穿梭返咗過去嘅人,唔會有能力引起任何冇實際發生過嘅嘢,而「阿明阿爺响生到任何細路之前就死咗」呢樣嘢冇發生,所以阿明坐住時光機返到過去嗰陣做啲乜,都唔會引起「阿明阿爺响生到任何細路之前就死咗」呢件事[1]

註釋 編輯

  1. 同時假設阿明係返咗個「佢阿爺仲未結婚生細路」嘅時間點。

編輯

  1. Friedman, J.; M. Morris; I. Novikov; F. Echeverria; G. Klinkhammer; K. Thorne; U. Yurtsever (1990). "Cauchy problem in spacetimes with closed timelike curves". Physical Review D. 42 (6): 1915.