謝志偉 (台灣)

台灣政治人

謝志偉(英文:Jhy-wey Shieh1955年1月6號—),台灣外省人第二代,原籍廣東汕頭,喺基隆出世,台灣學者同政治人物。

2016年11月謝志偉喺慕尼黑

佢喺德國波鴻魯爾大學攞到德國文學博士,之後做過東吳大學德文系專任教授,專長領域係德語文學專題研究、文學與社會、母題研究、性別研究。佢曾經做過行政院新聞局局長,2005年做過台灣駐德代表、2016年8月31號上任駐德國台北代表處英文Taipei Representative Office in the Federal Republic of Germany代表,對國內使用大使頭銜[1]

早年經歷 編輯

謝志偉喺基隆市出世,先後喺臺灣板橋中學同埋東吳大學德國文化學系畢業,佢喺1980年入伍當兵,服預官役,直到1982年5月退伍。同年謝志偉以第一名考到德國學術交流總署獎學金,去咗德國留學。佢曾經自述自己喺德國留學五年期間發現自己對台灣歷史、政治、社會毫無瞭解,所以想建立起自己嘅「臺灣認同與意識」,開始學台語台灣歷史同埋文化,同埋解構佢過去對中國國民黨嘅忠誠,佢亦曾經形容喺呢個過程入面,話自己由深藍(親國民黨)走向深綠(親民進黨)。去到1987年7月,謝志偉攞到德國波鴻魯爾大學(Ruhr-Universität Bochum; RUB)德國文學博士學位[2]

家庭 編輯

謝志偉嘅爸爸係來自廣東汕頭移民臺灣嘅船員,識講流利嘅粵語上海話,識少少日文英文;媽媽係臺灣高雄人。

謝志偉已婚,太太係王齡慧,有兩個女[3]

部份言論 編輯

香港逃犯條例爭議期間 編輯

佢喺爭議入面支持香港人,形容示威者係捍衛緊曾擁有但被中共剝奪嘅自由,又話香港年輕嘅抗爭者係代表人類嘅尊嚴同魔鬼嘅邪惡對抗[4]

指控中國外交官惡霸行徑 編輯

喺2021年5月,謝志偉喺Facebook透露,佢曾經受到德國柏林一名重量級文化人士邀請出席一場藝術活動,但中國得知謝志偉要出席嘅時候,威脅主辦方要將謝原本嘅貴賓席位讓畀中國代表,甚至要求台灣代表唔可以坐得太接近佢哋。當時活動嘅主席已經提出讓步,話讓自己嘅位畀中國代表,但中國代表仍然唔肯接受,甚至威脅或如果唔就範,中國團會整團缺席。謝志偉之後又話,中共政權為咗打擊台灣,乜嘢「死人骨頭阿代誌」都做得得出,連國際海洋法庭嘅判決都會同你講只係一張紙,更何況係武漢肺炎疫苗或者商業合約[5]

參考 編輯

  1. 陳培煌 (2012-08-31). 一名稱 代表對內稱大使. 中央通訊社. 原著喺2016-11-30歸檔. 喺2020-09-28搵到.
  2. . web.archive.org. 2007-09-28. 歸檔時間2007-09-28. 喺2021-05-30搵到.{{cite web}}: CS1 maint: bot: original URL status unknown (link)
  3. 李八方,〈謝志偉怕老婆利齒破功〉,臺灣《蘋果日報》2007年8月4日A12版〈政壇後花園〉
  4. 港抗争者为何不惧死? 谢志伟:捍卫曾拥有却被剥夺的自由11/10 #香港风云 #精彩点评 (英文), 喺2021-05-30搵到
  5. 自由時報電子報 (2021-05-30). 曝中國外交官惡霸行徑 謝志偉:我相信中共什麼都幹得出來! - 政治. (中文). 喺2021-05-30搵到.