讚美詩篇

讚美詩篇（希伯來文：הַלֵּל‎，羅馬拼音：Hallel，意思係 ｢讚美｣）喺猶太教通常係指《詩篇》 113-118 篇，喺大多數嘅猶太教節日會唱出來，但係喺新年、贖罪日同普珥節就唔會唱，另外，喺新年嘅最尾六日同喺新月就淨係唱 ｢一半｣，即係跳過 115 篇嘅前半同 116 篇嘅前半；佢係一篇禱文，亦都算係一首歌。

猶太教認為讚美詩篇紀念嘅係神蹟，但係唔會日日有神蹟，所以爾組日日唸唔恰當，所以唔可以日日唸，至於例如以色列國慶一類嘅現代節日應唔應該唸讚美詩篇，同如果唸應該點唸法，猶太律法專家就冇共識。

除咗一般嘅讚美詩篇，另外亦都有大讚美詩篇（הלל הגדול，Hallel haGadol）係指《詩篇》 136 篇，會喺逾越節晚餐唸完普通嗰篇讚美詩篇之後唸。

再另外仲有所謂每日讚美詩篇（הלל שבכל יום，Hallel sheB’khol Yom），又叫每日讚美經文（猶太巴比倫亞拉姆文：פְּסוּקֵי דְּזִמְרָא‎，羅馬拼音：P’sukei d’Zimra），指《詩篇》 145-150 篇，猶太教認為可以日日唸。

基督教認為猶太教嘅讚美詩篇包括嗮《詩篇》 104-106、111-118、135 同 146-150 篇嘅幾組篇章，咁嘅講法其實同猶太教有好大出入。