香港特別行政區財政司司長

香港特別行政區主要官員
(由財政司司長跳轉過嚟)

香港特別行政區財政司司長英文Financial Secretary,簡稱FS財政司司長,繼承英國殖民地時代嘅財政司,(俗稱財爺)係香港政府專門負責財經金融政策嘅官員,直接向行政長官負責,佢嘅支援部門叫財政司司長辦公室。司長由行政長官提名,報畀國務院(中央人民政府)任命。

現任財政司司長係陳茂波

職責 編輯

財政司司長 編輯

協助行政長官督導財經、金融、經濟、貿易同發展,同創新科技範疇政策嘅制定同實施,並喺金融管理局嘅協助之下管理外匯基金。財政司司長亦係行政會議成員。

此外,財政司司長負責編製政府財政預算案,並根據《公共財政條例》,每年向立法會提交政府嘅收支預算。財政司司長喺每年發表嘅財政預算案演詞,概述政府對可持續經濟發展嘅理念同政策,提出財政預算建議,並動議通過《撥款條例草案》,令到每年預算案當中各項開支建議具有法律效力。

財政司副司長 編輯

協助財政司司長協調跨決策局同部門嘅政策制訂同推行,督導轄下嘅決策局。財政司副司長亦擔任行政會議成員,協助行政長官決策,按照行政長官或財政司司長嘅指示,處理指定嘅政策範疇同特定項目。

財政司副司長負責聯繫立法會同其他持份者並聽取意見,同埋向佢哋、公眾同傳媒解釋政策。財政司副司長喺財政司司長因為外訪或休假缺勤期間代理佢嘅職務。

歷任財政司司長 編輯

  1. 曾蔭權(1997年7月1號—2001年4月30號)
  2. 梁錦松(2001年5月1號—2003年7月16號)
  3. 唐英年(2003年8月5號—2007年6月30號)
  4. 曾俊華(2007年7月1號—2017年1月16號)
  5. 陳茂波(2017年1月16號—)
  6. 黃偉綸(署理)

歷任財政司副司長 編輯

  1. 黃偉綸(2022年7月1號—)

福利同待遇 編輯

出面網頁 編輯