金融學

金融（粵拼：gam1 jung4；英文：finance），又叫做財經，係研究點樣籌錢，分配同點樣用錢財。響唔同時間，會考慮埋佢個風險。金融係可以個人，商業同團體嘅。打理錢財亦都叫財務。

一般來講，金融係包呢幾方面：

基本概念改

內文：錢同投資

金融係點樣用技巧去管理個人同法人財務，尤其睇重喺收入支出嘅差異，同埋投資風險。

一者收入多過支出嘅話，佢可以借錢出來，又者用多咗嘅錢投資。相反，少過嘅話，佢可以借人錢，又或者賣資產，用少啲錢，或者搵多啲錢。借錢人可以搵想借錢嘅人，中間可以搵中介人，好似銀行，又或者債券市場買債券。借錢畀人可以收利息，借人錢嘅息高過借畀人嘅息嘅話，中介人就可以袋埋中間差價。

銀行集合咗借貸活動。銀行一邊收借錢人存款，畀利息佢；另一邊就將存款借畀人。咁銀行就可以協調唔同大小借貸。空間來睇，銀行可以補足唔同地方嘅借錢人同貸款人。而時間來睇，佢補足唔同時嘅借貸，因為理論上，借人錢都會還。

機構來講，佢可以賣股票畀投資銀行，而投資銀行會轉手賣畀公眾。股票分咗機構嘅擁有權。例如一間公司總共有一百股，你有一股就佔公司百分一。你有百分一公司嘅資產負債差。公司賣股票出來嘅錢，可以用來搞大業務。除咗股票之外，亦可以賣債券集資。

財務關係到個人、政府、公司同埋各個機構，點樣用到金融工具達到佢哋嘅目標。