費特力九世
費特力九世（丹麥文：Frederik 9.，1899年3月11號—1972年1月14號）全名基斯頓·費特力·法蘭茲·米高·卡爾·華德馬·基奧格（丹麥文：Christian Frederik Franz Michael Carl Valdemar Georg），係丹麥前君主，1947年去到1972年在位。
| 費特力九世 | |
|---|---|
 啱登基無耐嘅費特力九世 | |
| 丹麥君主 | |
| 在位 | 1947年4月20號ー1972年1月14號 |
| 前任 | 基斯頓十世 |
| 繼任 | 瑪嘉烈二世 |
| 配偶 | 瑛格烈王后 |
子嗣 | |
| 家族 | 格呂克斯堡王朝 |
| 父王 | 基斯頓十世 |
| 母后 | 亞歷珊德蓮王后 |
| 出世 | 1899年3月11號 |
| 出世地 |  丹麥羅森堡寧比 |
| 死 | 1972年1月14號（72歲） |
| 死地 | 丹麥哥本哈根 |
家族
編輯
費特力響羅森堡寧比嘅無憂宮出世，係丹麥國王基斯頓十世同佢表妹亞歷珊德蓮共同嘅第一個細路，阿爺係丹麥國王費特力八世），太爺係丹麥國王基斯頓九世。費特力之後多一個細佬克努。阿媽亞歷珊德蓮公主，係美倫堡-施威林大公腓特烈·法蘭茲三世同埋安娜斯塔西婭·米哈伊羅芙娜女大公共同嘅大女，兼且係沙皇尼古拉一世嘅孫女。
佢響同年4月9號受洗，而教父有成21個咁多，有：太爺基斯頓九世、沙皇尼古拉二世、希臘國王佐治一世、挪威同瑞典國王奧斯卡二世、阿爺費特力八世、英王愛德華七世同埋佢舅父腓特烈·法蘭茲四世。
基斯頓九世響1906年走咗，阿爺費特力登基做國王，老豆升為王儲，而費特力自己亦升為第二王位繼承人。但係響六年之後，費特力八世就走咗，老豆基斯頓登基，費特力自己就升做王儲。
早年
編輯
費特力響丹麥王家海軍學院接受教育，係第一位丹麥王室成員響海軍而唔係陸軍做嘢嘅人。後嚟佢升上哥本哈根大學。響未做國王之前，佢係一位海軍少將。
另外，佢好鍾意出海同旅行，後生嗰陣成日周圍去玩；亦係一位出色嘅鋼琴家同指揮家，仲曾經做過哥本哈根交響樂團（Copenhagen Symphony Orchestra）嘅指揮。
關於佢嘅結婚問題，其實都煩咗佢幾耐。早年，佢阿媽亞歷山德蓮曾經想費特力同瑪麗亞·尼古拉耶芙娜女大公或者安娜斯塔西亞女大公，沙皇尼古拉二世兩個女之中揀一個做佢嘅老婆，但因為尼古拉二世響1918年闔家畀人處決而算數。
費特力響四年後曾經同奧嘉公主訂婚，但響公佈後無耐女方就退婚，主要原因係費特力響公開場合唔單止唔拖住奧嘉隻手，反而走去拖住奧嘉一個姐妹嘅手。最終佢響三十五歲嗰陣，同瑞典公主瑛格烈結婚。
統治時代
編輯.jpg)
1942年，由於佢老豆基斯頓十世響騎馬嗰陣墮馬受傷，所以由費特力做攝政王一年咁多。
1947年，基斯頓十世走咗，由王儲費特力繼位做國王，係費特力九世。
1948年，法羅群島宣佈成為自治國家，唔再係丹麥嘅一個縣，而係由有高度自治嘅法羅群島政府管理。
費特力九世響統治下見證住丹麥巨大嘅變化。響佢在位期間，丹麥由農業國家發展成福利國家。特別係響六十年代經濟嘅高速發展，丹麥女性更加有得出嚟打工，成為勞動力人口嘅一分子。
費特力九世以佢嘅親和力同埋和藹可親嘅性格而聞名，對於打破王室同民眾嗰陣隔閡有住好大功勞。呢點亦影響到佢大女，即第日嘅瑪嘉烈二世。
王位繼承法
編輯根據1853年定落嘅丹麥王位繼承法，丹麥王室淨係畀男性繼位做國王。但當時費特力同瑛格烈王后淨係得三個女，所以當時王位第一繼承人係佢細佬克努王子，之後係克努個大仔英戈夫王子。
響1953年，國會通過《繼承法》，將繼承方式改為男性優先，但係如果國王冇仔都可以畀個女繼承。咁樣就代表住費特力就算冇仔，都可以將王位傳畀自己個女。
最後，費特力九世個大女瑪嘉烈公主響同年成為王儲。
死同葬禮
編輯
費特力響發表完1972年嘅新年講話無幾耐，就出現咗類似流感嘅跡象。1月3號，佢因為心臟驟停而畀人送去哥本哈根市政醫院。雖然情況曾經一度好轉，但響八日後病情轉差，最後響1月14號上晝七點五十分由屋企人嘅陪同下走咗，終年七十二歲。
佢走咗之後，條屍曾經短暫畀人放響阿馬林堡宮，響1月18號轉到基斯頓堡宮。響基斯頓堡宮，佢條屍放響悲傷城堡上面，呢一點自1670年費特力三世之後就冇變過。屍體響去到佢嘅葬禮嗰陣都係瞓喺度嘅狀態，響呢段時期市民可以前往瞻仰佢嘅遺容。
同年1月24號，哥本哈根大主教Willy Westergaard Madsen先係搞咗一系列嘅儀式，分別係一個簡單嘅祈禱同埋唱聖詩。之後，屍體由王家內近衛騎兵團放響前車上面，用於送到去哥本哈根火車總站。前車由四十八位水手推動，丹麥陸、空、海三軍儀仗隊護送，另外亦有嚟自法國、瑞典、英國同埋美國嘅儀仗隊。去到哥本哈根火車總站之後，棺材放響一個特別嘅火車車廂入面，無耐架車就將棺材送去羅斯基勒。一到咗羅斯基勒，成班水手就將棺材送到羅斯基勒主教座堂，之後費特力九世就響嗰度下葬。
特別嘅係，費特力九世嘅棺材唔係好似前幾任國王咁放響教堂入面，而係響教堂出面一個陵墓，呢個係國王嘅意願。
響佢死嗰日，大女瑪嘉烈公主登基，係丹麥女王瑪嘉烈二世。而佢老婆瑛格烈王后響佢走後過多咗二十八年，響2000年11月7號走咗，死後亦葬響佢隔離。
屋企
編輯
1935年5月24號，費特力九世響斯德哥爾摩大教堂同西博藤公爵古斯塔夫·阿道夫親王個妹、時任瑞典王儲古斯塔夫（即後嚟嘅古斯塔夫六世阿道夫）個女瑛格烈公主結婚，出席佢哋婚禮嘅包括費特力九世個阿爸阿媽、比利時國王利奧波德同王后阿斯特里德、挪威王儲奧拉夫同王儲妃瑪塔。佢哋有三個女：
紀念
編輯響佢登基三十五周年夾佢死咗十年嗰陣，費特力九世嘅紀念銅像響哥本哈根港口揭幕。
另外，響Roskilde Fjord連接到腓特烈松嘅費特力王儲大橋、由古爾堡松連接到法爾斯特島同埋洛蘭島嘅費特力九世大橋，都係以佢嚟命名。
仲有，由Sir Martin Lindsay響1934年發現響格陵蘭東邊發現一座山脈，Martin Lindsay將呢座山脈命名叫「費特力王儲山脈」，以費特力九世嚟命名。
