鋼琴
鋼琴(意大利文:pianoforte;德文:Klavier;英文:piano)係西洋古典音樂中嘅一種鍵盤樂器,前身係古鋼琴,普遍用於獨奏、重奏、伴奏等演出,用嚟作曲同排練音樂都好方便。彈琴嘅人撳落去鍵盤上嘅琴鍵,牽動鋼琴裏面包住絨氈嘅琴槌,就會敲擊鋼絲弦,經過琴橋由音板擴音發出聲音。
鋼琴音域寬廣,音色宏亮、清脆,富於變化,表現力強。獨奏嗰陣,可以演奏各種氣勢磅礡、寬廣、抒情嘅音樂,亦可以演奏歡快、靈巧、技巧性好高嘅華彩樂段,喺樂隊裏面可以發揮巨大作用,重經常用嚟做伴奏樂器。鋼琴因為佢嘅豐富嘅樂理表達能力,所以稱為「樂器之王」[1]。
睇埋 改
參考 改
- ↑ 〈【樂器巡禮】樂器之王 — 鋼琴〉. 原著喺2019年10月21號歸檔. 喺2019年10月21號搵到.