博彩中介

顧名思義，博彩中介係個幫開賭者揾賭客嘅行業。以下為容易誤會嘅詞匯之辨異資料：

1. 博彩中介人——見於澳門賭業術語時，指已經由政府嗰處得到准照，可以承包賭廳嚟經營嘅自然人或公司，簡稱「中介人」，俗稱「賭廳廳主」；見於其他場合時，指任何喺「博彩中介」呢行撈嘅個人。
2. 博彩中介人合作人——只見於澳門賭業術語，解通過咗政府審批，掛名效勞「博彩中介人」而非其僱員之自然人，負責幫佢哋揾賭客，簡稱「合作人」，俗稱「疊碼仔」。
3. 賭場中介——見於星加坡傳媒用語時，即係幫賭場帶啲有錢人去幫襯嘅個人或者公司，多數屬得到咗政府發牌並專門揾外國客嗰啲；賭場中介人及賭場中介公司嘅意思均可以由字面得知。