超導超大型加速器

超導超大型加速器（英文：Superconducting Super Collider，花名叫做「Desertron」）係一座已經腰斬徂嘅環形粒子加速器。爾部加速器喺1987年喺美國德州開工，原計劃周長87.1公里，面積大概相當於日本嘅東京都區部。加速器隧道位於地底下70米，配備一萬個超導電磁鐵。加速器可以將質子加速到20太拉電子伏特，產生總能量高達40太拉電子伏特嘅質子束對撞，目標係觀測到理論預期嘅希格斯玻色子。

超導超大型加速器舊址（2008年）。

超導超大型加速器項目最初嘅預算係44億美元，但係到1993嗰陣，預算已經追加到110億美元。同一年，美國國會因為資金問題而腰斬徂加速器項目，當時加速器項目組已經挖徂成22.531公里長嘅隧道。而希格斯玻色子就到2013年先至被歐洲核研究組織觀測到。