超巨星

超巨星，恆星一類，好光，質量好大。以色分，喺赫羅圖上部，有齊光譜類型，紅黃藍白都有，即紅超巨星、黃超巨星、藍超巨星、白超巨星。以日來比，至大到五百倍，至光幾千倍，質量大過十倍。絕對星等負三到負八。熱度有三千四百開到過二萬。

歐洲南天文臺拍。南十字座珠寶箱，紅超巨星畀幾粒藍超巨星包圍。

歐洲南天文臺拍。參宿四外氣層。

超巨星或多或少都係變星，有時光啲，有時暗啲，差在周期如何，有啲就好難預測。星體咁大會唔穩定，有啲變化來自噴射而質量減少。

去到咁大，恆星演化至終會爆，成超新星。

有啲再大多級，叫特超巨星，基本上同超巨星差唔多，更加唔穩定。

超巨星有好多出名星，皆因佢夠晒光。紅超巨星有參宿四、心宿二。黃超巨星有螣蛇十二、造父四、造父一。 藍超巨星有天津四。白超巨星有參宿七。