越秀區兒童公園

  越秀區兒童公園喺2004年12月28號～2015年3月5號期間嗌過廣州市兒童公園。

越秀區兒童公園（粵拼：jytut6 sau3 keoi1 ji4 tung4 gung5 jyun2*4）係中國廣東省廣州市嘅一間兒童公園，喺越秀區嘅人民南路東邊，仁濟西路北邊，仁濟路西邊，一德路南邊嘅地皮嗰度。呢間公園之前係從2004年12月28號開園到2015年3月5號為止嘅廣州市兒童公園所在地。

越秀區兒童公園正門（2015年12月28號）

史

内文：廣州市兒童公園

之前嘅廣州市兒童公園就喺而家中山四路嘅南越王宮博物館嗰度。後嚟喺2001年12月15號，廣州市嘅考古團隊喺中山四路嘅兒童公園一帶發現咗同南越王墓時期啲文物（包括而家嘅城隍廟）先至將廣州市兒童公園搬到而家人民南路附近一帶重喺2004年12月28號重新開放。喺2013年中，廣州市政府又話規劃喺全市起12間兒童公園出嚟，其中就包括咗而家嘅越秀區兒童公園，結果喺2014年6月1號，白雲新城嘅綠地中心隔籬搞咗第間廣州市兒童公園出嚟，而人民南嗰度就變咗廣州市兒童公園嘅分園。喺2015年3月5號，人民南嘅分園就閂門升級改造，由於2015年5月20號嘅白雲新城總園二期搞好嗮，結果呢間公園降級成而家嘅越秀區兒童公園，喺2015年5月31號重新開放。