趙澤偉

趙澤偉（粵拼：ziu6 zaak6 wai5；簡化字：赵泽伟；1990年 1月20號—2018年 9月27號）係中國大陸嘅罪犯，亦係四二七榆林米脂斬人案嘅主犯，陝西榆林米脂縣人。佢喺2018年4月27號挨晚喺陝西榆林米脂嘅縣三中出面條巷用匕首搞出單殺人案，事發造成9位學生死亡，10位學生受傷。事發後，因呢單殺人案性質比較惡劣，而震驚咗成個陝西地區嘅社會。後嚟趙澤偉俾差佬當場叉住兼拉去收監，同年5月28號俾榆林市人民檢察院採取入稟行動，同年7月10號俾榆林市中級人民法院公開審理時，話趙澤偉因為殺人而要執行死刑兼剝削政治權利終身嘅處罰，重喺半個月後俾陝西省高級人民法院審核通過咗可以執行死刑嘅處罰。同年9月27號卯時被當場執行死刑。