足尖鞋粵拼zūk zīm ha̖ai英文pointe shoes)係一種為女芭蕾舞蹈員特別設計嘅芭蕾舞鞋,俾好多人認為係芭蕾舞用具當中其中一種最易認、最廣為人知嘅。呢種鞋最大嘅特徵係喺腳尖嗰個位零舍加強咗,會用厚啲嘅布料甚至乎等硬淨啲嘅材料嚟造(正常嚟講,芭蕾舞鞋係用絲綢真皮等軟淋淋嘅材料造嘅),用途在於幫著住呢種鞋嘅舞蹈員做完全嘅腳尖企(en pointe)做一段長啲嘅時間。

一位女芭蕾舞蹈員著住足尖鞋做腳尖企

足尖鞋通常唔擺得好耐:一個舞蹈員會著呢啲鞋,通常係因為要上台表演或者特登喺度勁練習做腳尖企;即係話一個舞蹈員一著親呢啲鞋,就實會係噉勁做腳尖企-將自己全身嘅重量施嗮落去對鞋嘅腳尖位度,所以一對足尖鞋好多時著得嗰十零廿個鐘頭已經開始爛;相比之下,一對普通嘅芭蕾舞鞋喺正常情況下,起碼可以著到成兩三個月[1]

歷史

睇埋:芭蕾舞史

足尖鞋源於浪漫芭蕾舞(romantic ballet)盛行嘅 1820 年代[2],當時意大利名芭蕾舞蹈員瑪麗塔里奧尼(Maria Taglioni)開始咗嘗試做腳尖企,而因為當時仲未有足尖鞋呢家嘢,佢就自己郁手改造自己對軟鞋,將棉花塞入去對鞋嘅腳尖位嗰度,等自己做腳尖企嗰陣腳趾冇咁辛苦。打後腳尖企開始盛行,成為正規芭蕾舞技巧嘅一部份,正式令到芭蕾舞界研究整足尖鞋。而遲吓到咗 1862 年,足尖鞋嘅製作技術成熟,大致上成為咗廿一世紀見到嘅樣[3]

睇埋

  1. Reinhardt, Angela (2008) [2008]. Pointe shoes, tips and tricks (1st ed.). Dance Books Ltd.
  2. Garafola, L. (1997). Rethinking the Sylph: New Perspectives on the Romantic Ballet. Wesleyan University Press.
  3. Pointe Shoes. Ballet Hub.