跑馬機

  提示：呢篇文講嘅唔係騎馬機。

跑馬機／賽馬機／馬機係一類街機。最常見嗰種跑馬機嘅聲畫裝置會模擬現場直播馬場賽事；視乎機款同場所為何，玩家可以入啲遊戲幣、電子積分或真錢落去賭博；喺正規機舖、非法機舖、正規賭場及非法賭檔都常見。有種少見啲嘅跑馬機並無賭博成分，可以喺室內遊樂場道揾得到；幾個玩家要碌波入窿，鬥快攞分，務求令反映自己成績嘅騎師策馬機械公仔最先行完全程。