軌道𨋢orbital elevator),又有叫太空𨋢space elevator),係廿世紀嘅一種工程學構想。一部軌道𨋢會有一條好粗嘅纜,條纜其中一端固定咗喺地面,而另一端就一路延伸到去大氣層外面嘅空間嗰度,而且喺太空嗰端仲連住一嚿有返咁上下質量嘅物體,嗰嚿物體會圍住地球、以同地球自轉一樣嘅角速度公轉(所以會永遠對住地表嘅一個位置)。而有咗呢條噉嘅纜,地表嘅人就可以(例如)唔使用火箭,而係開纜車直接載人同貨物上去太空嗰度。

一幅畫描繪想像中穿越雲層嘅軌道𨋢。