農曆新年英文名稱爭議
喺英文，農曆新年一般會被翻譯「Lunar New Year」或者「Chinese New Year」。雖然農曆新年係一個不限於華人或中國人慶祝嘅節日活動[1]，但有啲中國人就唔認同「Lunar New Year」呢個翻譯，覺得呢個翻譯唔尊重中國。有啲激進愛國，但身處海外生活嘅中國人，甚至會作出毀壞他人財物嘅行為。
另外，喺一啲多元文化國家，又或者喺英文維基百科，｢Lunar New Year｣ 嘅問題係 Lunar 嚴格上指任何陰曆，變咗回曆新年、猶太曆新年等等都係一種 lunar new year，可能係某啲國家當初唔用 ｢Lunar New Year｣ 嘅原因，亦導致咗有啲人就算唔認同 ｢Chinese New Year｣ 嘅叫法都唔想用 ｢Lunar New Year｣。有啲人嘅折衷做法係將農曆新年拆散，用 ｢Chinese New Year｣ 之餘講埋 ｢Korean New Year｣ 同 ｢Vietnamese New Year｣[2][3]。
事例
編輯- 喺2023年1月，新加坡南洋理工大學因為堅持使用「Lunar New Year」一詞而唔係「Chinese New Year」，結果引來一啲人對校內相關活動展板進行破壞，強行「Lunar」字眼劃掉，改成「Chinese」。南洋理工大學校方之後回應事件，話佢哋有來自唔同國家嘅學生同員工，包括來自中國、韓國同越南，而呢啲國家都有慶祝農曆新年[4]。
- 韓國誠信女子大學教授徐坰德喺2023年1月19號，喺Facebook發起正名運動，呼籲大家從「Chinese New Year」改用「Lunar New Year」，結果遭到大批中國網友辱罵攻擊[5]。
- 2023年1月，一名中國人喺網上面求助，話自己喺紐約街頭睇到百貨商場拜年海報上寫著「Lunar New Year」而唔係「Chinese New Year」，當場將海報扯爛洩憤，結果被捕。佢堅持自己無錯，結果引起網上嘩然[6]。
對爭議嘅評論
編輯睇埋
編輯參考來源
編輯- ↑ 〈不是中國人，就不能慶祝農曆新年？ -- 上報 / 評論〉。www.upmedia.mg。喺2023-01-22搵到。
- ↑ "Statement by the Prime Minister on Korean New Year" (新聞稿) (英文). 2023年1月22號. 喺2023年2月3號搵到.
- ↑ "Statement by the Prime Minister on Vietnamese New Year" (新聞稿) (英文). 2023年1月22號. 喺2023年2月3號搵到.
- ↑ 〈疑不满校方坚用"农历"一词 南大展板遭人私改〉。8world (星加坡中文)。喺2023-01-22搵到。
- ↑ 自由時報電子報 (2023-01-21)。〈「農曆新年」非中國獨有！ 南韓教授籲正名遭洗版 - 國際〉。《自由時報電子報》 (中文)。喺2023-01-22搵到。
- ↑ 〈又辱華？她見拜年海報出現「一英文單字」扯爛洩憤 遭逮吼警：我沒錯〉。tw.news.yahoo.com (中文)。喺2023-01-22搵到。
- ↑ 〈小粉紅周圍挑機話農曆新年係中國新年 呢個講法完全唔科學兼唔客觀 而且大有搞大中華帝國主義之嫌 呢種講法應該嚴加駁斥〉，《黃世澤幾分鐘評論》，2023年1月21號，喺2023-01-22搵到
- ↑ 〈「農曆新年」英文怎麼講？專家曝各說法差很大〉。tw.news.yahoo.com (中文)。喺2023-01-22搵到。