迴響 (期刊)
《迴響》係香港由粵語白話文編寫成嘅文學期刊，由網名「山城豬伯」同幾位編輯係Kickstarter發起眾籌嘅粵文文學期刊，編輯團隊以「兩文三語，三種語言喺應平等」為目標嚟創刊。
編輯團隊最先喺2020年5月開始著手計劃粵文文學期刊，並喺同年5月31號喺Kickstarter眾籌，唔夠十日時間就籌到三期嘅出版稿費。
出版史
編輯總編輯喺採訪中講創刊嘅熱情係源於閱讀熱情，細細個就鍾意金庸嘅武俠小說，並覺得閱讀有種魅力，寫作都一樣，用返廣東話書寫最有親切感。《迴響》編輯團隊覺得「粵語入文」喺香港作家創作中經常睇到，仲有近年網上討論區都成日睇到用粵文寫嘅小說，覺得網上嘅粵文小說冇整合性，團隊就喺2020年5月初計劃出版粵文小說嘅期刊。團隊覺得香港多數書寫嘅書面語都係由現代白語文規範而成嘅，書寫詞彙句法都係由官話演變出嚟，而粵語喺正式文件書寫都唔會被採用，畀人一種低一等嘅感覺；同時覺得香港本地文學作品用嚟「粵語入文」嘅衹用喺生動對話、鬧人情節同埋黑社會嘅描寫度，唔多用喺陳述方面。[1] 而團隊喺2020年5月31號開設Kickstarter頁面眾籌，唔夠十日時間就籌到足夠三期嘅出版稿費。[1][2][3]
參考
編輯- ↑ 1.0 1.1 〈粵語寫期刊眾籌成功 下月出爐 「廣東話應該有佢嘅文學」〉 (繁體中文)。明報。2020-06-12。原先內容歸檔喺2020-07-01。喺2020-07-01搵到。
- ↑ 〈【《迴響》眾籌進度】〉。《《迴響》期刊Facebook專頁》 (繁體中文)。2020-06-03。原先內容歸檔喺2020-07-01。喺2020-07-01搵到。
- ↑ 〈《迴響》——粵語文學期刊 - 粵語文學期刊 Cantonese Literature Periodical〉。Kickstarter, PBC。歸檔時間2022-02-24。喺2022-02-24搵到。
{{cite web}}: CS1 maint: bot: original URL status unknown (link)