過濾粵拼gwo3 leoi6)係將液體氣體或者超臨界流體入面嘅固體顆粒用有選擇透過性嘅材質(例如濾紙)隔返出嚟嘅過程,係實驗室合成同化工生產入面嘅常見步驟。過濾之後得到嘅固體叫做濾渣。

過濾圖解

如果係將液體入面嘅固體隔出來,噉過濾之後得到嘅液體叫做濾液。實驗室入面經常用到嘅過濾有常壓過濾同減壓過濾(又叫抽濾)兩種,前者係靠液體自身重力自然透過濾紙,後者係用將液體抽過濾紙。實驗室合成多數用減壓過濾,因為速度快而且濾渣可以抽得比較乾。根據實際需要,有時亦會將濾液保持喺一定溫度來過濾,分別叫做熱過濾同冷過濾。兩者各有其應用。例如前者可以避免降溫之後濾液入面嘅溶質結晶析出,後者可以避免唔穩定嘅化合物喺室溫條件下分解等等。