濾紙

濾紙（粵拼：leoi6 zi2）係過濾過程中常用嘅架生之一。濾紙一般由纖維製成，液體好易透過而顆粒大細打過一定程度嘅固體就好難穿過去。濾紙可以按濕強度（即係張紙濕咗之後有幾堅韌）、孔隙率、流速等等細分。

根據實際應用需要，濾紙可以分成定性濾紙同定量濾紙兩種。普通過濾操作用定性濾紙就夠，而如果要用重量法做定量分析就一定要用定量濾紙。喺重量法入面，濾渣需要經過充分洗滌之後同定量濾紙一齊加熱到高溫直到重量唔變為止，喺爾個過程中定量濾紙會變成灰，爾個過程叫做灰化。為避免定量濾紙干擾分析，濾紙嘅灰分越低越好。定量濾紙嘅灰分係重要嘅質量標準。