- 道裏區以前叫做埠頭區。清代時係寧古塔將軍（後來換成吉林將軍）阿勒楚喀副都嘅轄地。1989年（光緒二十四年）起中東鐵路，啲人就將鐵路以東叫「道外」，相對嘅鐵路以西就嗌做「道裏」。1907年（光緒三十三年）中東鐵路管理局局長霍爾瓦特公佈《哈爾濱自治公議會章程》，將埠頭區共新市街（家下嘅南崗區）夾埋七平方公里劃入市區範圍，交由俄人嘅哈爾濱自治公議會管轄，以中國大街（家下嘅中央大街）爲中心嘅金融街形成咗。
- 1926年3月30號東省特別區市政府解散俄人嘅統治團體，成立哈爾濱自治臨時委員會，當年6月17號埠頭區、新市街歸哈爾濱特別市管。
- 1946年，喺共軍掌控咗哈爾濱之後，埠頭區改名做道裏區。
道裏區轄18個街道、4個鎮、1個鄉、2個單位。
- 街道：兆麟街道、新陽路街道、撫順街道、共樂街道、新華街道、城鄉路街道、工農街道、尚志街道、斯大林街道、通江街道、經緯街道、工程街道、安靜街道、安和街道、正陽河街道、建國街道、康安街道、愛建街道
- 鎮：太平鎮、新發鎮、新農鎮、榆樹鎮
- 鄉：群力鄉
- 單位：閆家崗農場、道裏區農墾
