達達尼爾條約（又叫做達達尼爾和平、商業及秘密聯盟條約或者恰納卡萊條約）係鄂圖曼帝國同英國喺1809年1月5號喺土耳其恰納卡萊達成嘅一條條約。
呢條條約結束咗由1807年打到1809年嘅英土戰爭。土耳其宮廷恢復咗英國喺佢哋帝國中大部份嘅商業同法律特權，而英國就承諾會用自己嘅艦隊同供應武器畀伊斯坦堡來保護鄂圖曼帝國，等佢哋可以對付來自法國嘅威脅。條約度講明冇任何勢力嘅戰船可以駛入達達尼爾海峽同博斯普魯斯海峽。達達尼爾條約為1841年嘅倫敦海峽公約鋪路；喺倫敦海峽公約中，所有其他強國都要應承遵守同樣嘅原則。
