《選擇》月刊係香港消費者委員會出版，以產品測試為主題嘅雜誌，喺1976年11月創刊，每個月嘅15號出版。雜誌會刊登消費者委員會進行嘅產品測試、服務調查同研究報告。
《選擇》月刊嘅內容以消費者委員會進行嘅產品試驗、服務調查以及研究報告為主，務求向香港嘅消費者提供公正以及客觀嘅消費資料。值得留意嘅係，呢本月刊並唔接受商業廣告，以保持中立形象。
