避孕海綿

避孕海綿係一種避孕裝置，用嘅方法好似衞生棉條，要響性交之前塞入陰道，拒絕精蟲入去子宮；避孕海綿有殺精劑，可以避免尐精蟲郁。避孕海綿嘅效果無口服避孕藥或者子宮內避孕器咁好，而且防止唔到性病傳播。

避孕海綿

用法

有尐牌子嘅避孕海綿先要加水，令海綿入面尐殺精劑活化先用得；有尐牌子係開封之後就用得。

避孕海綿要響性交之前24個鐘放入體內，性交之後要擺喺體內六個鐘以上，響陰道拎出嚟之後唔可以再用。

副作用

有尐人會對避孕海綿入面嘅殺精劑過敏。用避孕海綿會增加患念珠菌症同尿道感染嘅風險。用得唔啱可能會造成中毒性休克綜合症。