邊境管制

邊境管制係唔同國家嘅政府去管制佢哋嘅國界嘅措施。呢啲包括控制來往嘅人、貨物、動物等等，而可以係通過陸地、海岸、或者航空嚟實行。喺某啲情況之下，國家有可能會喺國内實施邊境管制。

不丹嗰邊

印度嗰邊

印度同不丹之間嘅邊境檢查站

邊境管制可以有好多唔同嘅目標，但係一般都主要係爲咗維持保安。除此之外，管制亦可以係因爲要做海關檢查或者避免病毒散播等等。

有啲國家同意咗一齊實施對外嘅邊境管制，俾自己嘅國家之間唔需要再做，慳返啲人力物力。最出名亦最成功嘅例子係《申根公約》，俾歐洲嘅大部分國家都能夠互相維持遷徙自由。

當然，大部分國家仍然保持咗邊境管制，所以一般都係需要停低檢查，冇問題先過得。而每過國家之間嘅規矩都會有分別，所以有可能會變成非常複雜。

喺經濟學方面，國家之間嘅管制對經濟帶嚟非常大嘅代價。有研究表示，假如邊境管制消失咗，估計環球經濟會能夠即時擴大一倍。

畫廊

• 
  東帝汶同印尼嘅邊界管制
• 
  跨過中國-俄羅斯邊界嘅火車

睇埋

• 海關
• 邊境檢查站