邊境檢查站係一個位於邊界嘅位置，專門為實行邊境管制而設。佢哋主要都係要檢查通過嘅旅客同埋物品，確保佢哋都唔係違法。有時會有啲特定嘅協議容許遷徙自由，例如《神根公約》，嚟避免太過繁多嘅檢查站。
除咗陸地嘅檢查站之外，喺海上同埋航空都一樣，有海關或者入境處喺唔同嘅海港同機場做邊境檢查。邊境檢查站一般都會由海關人員或者邊境警衛隊駐守。
檢查站主要都係有兩個目標：
- 避免有唔受歡迎或者冇被授權嘅人入境
- 避免有非法或者有限制嘅物品入境，同時為適當嘅貨物收關稅
喺某啲國家，例如中國，邊境嘅檢查站會喺入境同出境嘅時候都做檢查，而其他國家，例如美國同加拿大，就只係入境嘅時候先做檢查。
