那一年，我17
《那一年，我17》（英文：Our Seventeen），係澳門2017年發行嘅一套電影，用澳門主權移交做故事背景。由陳雅莉導演，主要創作同演出團隊都係以澳門人為主，用咗一班來自香港同澳門嘅新演員演出。
| 那一年，我17 Our Seventeen | |
|---|---|
| 資料明細 | |
| 導演 | 陳雅莉 |
| 監製 | 黎青敏 |
| 編劇 | 陳雅莉 |
| 主演 | 袁澧林、彭永琛、吳崇銘、李任燊、馬曼莉、梁健婷 |
| 配樂作曲 | 刃記樂隊 創作 |
| 主題曲 | 那一年，我十七 - 主唱：刃記樂隊 |
| 攝影 | 張倩薇 |
| 剪輯 | 孫彥梁、李林 |
| 製片商 | 名威影業有限公司，蔚藍文化有限公司 |
| 片長 | 108 分鐘 |
| 產地 |  澳門 |
| 話 | 粵語、國語、葡語 |
| 上畫同發行 | |
| 上畫日期 |  香港2017年6月22號 |
| 發行商 | 名威影業有限公司， 蔚藍文化有限公司 |
劇情 編輯
34歲嗰年住喺北京嘅陳俊傑（彭永琛飾）因為工作關係返返去澳門，期間撞返讀書嗰陣嘅死黨楊偉（吳崇銘飾），佢哋諗返起17歲嗰年同幾個同學組樂隊參加歌唱比賽嘅事。
當年陳俊傑係轉校生，返學第一日已經俾張鎧妮（袁澧林飾）欺壓，但係之後張鎧妮對於陳俊傑嘅音樂才華非常之傾慕，因為鎧妮好鍾意搖滾樂，所以想組織一對屬於自己嘅樂隊參加校際歌唱比賽，可惜一直搵唔到啱嘅拍擋，所以佢對陳俊傑態度嘅態度作出180度嘅轉變，希望佢會肯加入一齊參加比賽。於是兩個人化敵為友，仲同其他樂隊成員一齊為校際音樂比賽努力。
比賽前夕，撞啱澳門主權移交，鎧妮嘅爸爸係葡萄牙官員，佢爸爸決定喺澳門主權移交之前帶埋一家大細返葡萄牙生活，搞到鎧妮要同俊傑分開。就係因為咁鎧妮參加唔到比賽，而且佢哋隊樂隊RockKid參賽資格突然俾人取消咗，但 RockKid 仍然帶齊嗮樂器去到比賽場地，企係操場中間開始唱歌，期間鎧妮喺機場跑返去比賽場地位同隊友打氣，佢哋唔理俾保安警察趕走同埋打傷，堅持唱完成首歌。
而鎧妮家姐月盈就係因為老崔喺佢哋上機之前，及時趕到去機場仲突然間錫咗佢個咀一啖，再即時向月盈表白同親口話想佢留低同佢一齊生活，所以最後月盈冇跟屋企人走，決定留喺澳門同愛人一齊。而陳俊傑最後只係可以送鎧妮上機，喺上機前鎧妮錫咗陳俊傑塊面一啖，之後仲話佢爭自己一份禮物之後就同屋企人搭飛機返葡萄牙。
17年後，當34歲嘅陳俊傑重遇當年好友楊偉後，兩個人決定搵返當年一齊組織樂隊嘅其他成員聚舊，點知其他成員長大後性格同生活已經全部唔同嗮[3]。
演員 編輯
高二前進班學生 編輯
| 演員 （地區） |
角色 | 暱稱／關係 |
| 彭永琛 （澳門） |
陳俊傑 （施俊傑） |
Winson 轉校生 轉校第一日被鎧妮及班中同學整蠱 鎧妮好欣賞佢嘅音樂才華 同鎧妮相戀 RockKid成員 |
| 袁澧林 （香港） |
張鎧妮 | 鎧妮/大佬/班長 前進班女班長 前進班真正話事人 成績優異 整蠱陳俊傑，之後俾佢嘅音樂才華吸引 楊偉嘅暗戀對象 RockKid成員 |
| 吳崇銘 （King @C AllStar） （香港） |
楊偉 | Peter仔/扯旗 富二代 細膽 成日俾同學蝦 聽命於張鎧妮及何子健 暗戀張鎧妮 RockKid成員 |
| 李任燊 （香港） |
何子健 | 大佬/阿Kit 花漾四子嘅大佬 聽命於張鎧妮 一直暗戀Mary，二人期後相愛 RockKid成員 名言：『唔好想，凈係做』 |
| 馬曼莉 （澳門） |
馬莉 | Mary 班入面嘅獨行俠 唔出聲 成績好 有食煙習慣 同何子健相愛 RockKid成員 |
| 花漾四子 | 花漾四子 何子健嘅手下/跟班 聽張鎧妮同何子健話 |
RockKid成員 編輯
| 演員 | 角色 | 樂隊崗位 |
| 彭永琛 | 陳俊傑（施俊傑） | 樂隊主音 結他 |
| 袁澧林 | 張鎧妮 | RockKid隊長 結他 作曲填詞 |
| 吳崇銘 （King @C AllStar） |
楊偉 | Keyboard（彈琴） 最初係鼓手（之後鼓手改由馬莉擔任) |
| 李任燊 | 何子健 | Bass |
| 馬曼莉 | 馬莉 | 鼓手 |
培育中學教職員 編輯
| 演員 （地區） |
角色 | 稱呼／職位 |
| 梁健婷 （澳門） |
張月盈 | 高二前進班班主任 成日被學生蝦嘅新紮老師 為咗畀鎧妮佢哋參加歌唱比賽而同校長鬧交 張鎧妮同父異母家姐 同鎧妮處於對抗關係，後好返 爸爸係葡國官員 同老崔一齊留喺澳門生活，重同佢生咗個囡崔慕盈 |
| 于永海 （中國） |
老崔 | 老崔/崔老師 高二前進班助理班主任 普通話班老師 經常搵走堂學生返學校 嚴肅 經常鼓勵張月盈 同張月盈拍拖 |
| 譚玉瑛 （香港） |
譚校長 | 譚校長 培育中學校長 上司係張月盈同張鎧妮嘅爸爸 唔畀鎧妮佢哋參加校際歌唱比賽 份人好現實 |
| 田啟文 （香港） |
李叔 | 培育中學校工 經常喺學校飲酒 貪小便宜又會收學生賄款 成日俾何子健一班人利用 |
張家 編輯
| 演員 | 角色 | 暱稱／關係 |
| - | 張明德 | 張月盈同張鎧妮爸爸 中葡混血兒 有兩個囡同一個仔 重男輕女 唔准鎧妮同俊傑拍拖，曾經打陳俊傑 澳門政府教育部高級官員 想喺澳門回歸前帶同屋企人返葡國住 |
| 梁健婷 | 張月盈 | 月盈 張明德嘅大囡 張鎧妮嘅同父異母家姐 同老崔相愛 唔認同爸爸樣樣野都認為可以用錢解決嘅諗法 |
| 袁澧林 | 張鎧妮 | 鎧妮 張明德嘅細囡 媽咪喺佢出世之後冇耐就過身 被爸爸刻意安排喺培育中學嘅前進班讀書 好憎家姐成日以爸爸名義威嚇自己 討厭爸爸重男輕女 想喺爸爸面前證明自己嘅能力 |
其他角色 編輯
| 演員（來自） | 角色 | 備註 |
| 百強 （刃記樂隊） （澳門） |
Band友 | 客串 喺BAND友聖地LMA演出嘅樂隊成員之一 識陳俊傑爸爸 |
| 福島章嗣 （刃記樂隊） （日本） |
Band友 | 客串 喺BAND友聖地LMA演出嘅樂隊成員之一 識陳俊傑爸爸 |
| 陳健安 （On仔@C AllStar) （香港） |
澳門司警 | 客串 性格正義 阻止張明德打陳俊傑 |
| 歐陽日華 （澳門） |
邊青 | 客串 唔服打機輸畀陳俊傑而報仇 搵同黨虐打陳俊傑重將佢張全家幅整爛。 |
