郭振江
郭振江，地盤工人，喺2020年1月，佢嘅屍體被發現倒臥喺油塘高翔苑，但有啲人未能信納警方對佢死亡原因嘅調查經過，甚至懷疑，佢喺香港反送中運動入面被香港警察殺死，然後當作自殺案處理嘅例子之一。
死亡事件
編輯喺2020年1月13號早上，佢被發現倒臥喺高翔苑高康閣對開，救護人員到場嗰陣已經證實死亡。警方之後公佈喺現場搵到一個深色背囊、一張地盤工作證、工具同埋一副眼鏡，聲稱死因無可疑。
關於死因嘅疑點
編輯當日網上同時流傳一段短片，懷疑係事主墮樓時嘅情況，只見當時事主頭下腳上，然後從大廈高層嘅狹窄氣窗「緩緩」跌出窗外，空翻落樓。[1][2]網民質疑事件另有內情，提出不少疑點，甚至懷疑事主究竟係咪「被自殺」[2]
- 墮樓氣窗狹窄兼位於高處，事主無理由捨易取難喺呢個位置跳樓。
- 跳樓姿勢頭下腳上非常古怪，令人關注係咪被「推落街」。
- 男事主墮樓猛撞向石屎物嘅時候毫無反應，似早已失去知覺。
- 男事主墮樓嘅時候身上無背囊，墮樓後身邊就有背囊。
- 男事主獨自乘升降機到大廈高層後10分鐘先墮樓，期間發生甚麼事情？
- 點解唔係住喺度嘅男事主，要特意去呢度自殺？
坊間質疑
編輯- 張崑陽喺社交媒體以引號括住Jump一詞形容事件，又話似乎有對手推佢落樓[3]。
- 《新聞拍案驚奇》主持人大宇指，自6月份反送中運動大規模爆發以來，出現咗好多「離奇自殺」案，好多人懷疑呢啲自殺者其實係被警察打死，或失去反抗能力後被棄置，實在係「被自殺」。縱然坊間有唔少推斷同爆料，但警方一直未有承認，也一直無直接嘅影像證據。但今次事件係第一次有影片拍到事發過程，而且墮樓嘅一刻，有唔少疑點[4]。
- 作家兼時事評論員潘東凱質疑，點解男子墮落嘅時候佢好似成個「布公仔」咁，跌落嗰陣手腳都無郁，成個身體都無知覺。另外，佢又話警察嘅反應非常異常，除咗反應好大，亦比個位自己認[4]。
- 公民黨主席梁家傑質疑，警方過於倉促對死因下結論，又無唔同質疑（例如點解高空掉下來都沒腦漿，又無乜血），做法操之過急[4]。
警方回應
編輯警方回應短片，讉責拍片喺宿舍「長期拍攝，懷疑偷窺」，又稱「警方作出調查，安排拘捕拍片者」。[5]警方又話，郭振江身上並沒有發現任何可疑傷勢，而佢亦無喺任何反修例嘅活動入面被捕。
後續反應
編輯事件就算去到2022年，都一直喺連登討論區被提及[6]。
睇埋
編輯- 香港反送中示威者被自殺或失蹤爭議
- 陳彥霖：另一名被部分人視為反送中運動期間被香港警察殺害嘅示威者
參考
編輯- ↑ 〈【更新】油塘墮樓漢非住客 警稱死因無可疑 - 新聞〉。am730 (英文)。原著喺2020-01-14歸檔。喺2020-01-14搵到。
- ↑ 2.0 2.1 〈【離奇墮樓】5大疑點未解 網民紛質疑高翔苑墮樓案另有內情〉。《Apple Daily 蘋果日報》。原先內容歸檔喺2020-01-13。喺2020-01-14搵到。
{{cite web}}: Cite has empty unknown parameter:|dead-url=(help) - ↑ 〈港男詭異墮樓影片曝光 四大疑點指向被扔出窗外〉。《大紀元時報 香港｜獨立敢言的良心媒體》 (香港中文)。2020-01-14。喺2022-07-21搵到。
- ↑ 4.0 4.1 4.2 〈紀律部隊宿舍墮樓疑案 七大疑點待解〉。《大紀元時報 香港｜獨立敢言的良心媒體》 (香港中文)。2020-01-15。喺2022-07-21搵到。
- ↑ 〈【離奇墮樓】傳拍片女傭被捕 警否認稱「有心人」捏造事實〉。《Apple Daily 蘋果日報》。原著喺2020-01-14歸檔。喺2020-01-14搵到。
- ↑ 〈香港警察殺人鐵證 油塘紀律部隊宿舍凶案 死者無知覺被人掟落樓〉。《LIHKG 討論區》。喺2022-07-21搵到。
{{cite web}}: CS1 maint: url-status (link)